• Vanda muntu ya matsyeleka na mambu nyonso
    Sepela na luzingu ya ntangu nyonso!—Masolo samu na kuzaba Biblia

    • 2. Wa’ faso kuvanda muntu ya matsyeleka bilumbu nyonso?

      Yehova zola ti “konso muntu tubila mpangi ya yandi tsyeleka.” (Zakari 8:16, 17) Yinki ya zola zonza? Ntangu beto ke sololá na dikanda ya beto, na bampangi ya kisalu, na bampangi ya kimvuka, to na bantu ya luyalu, beto fwana kuvuna ve mpe kuzonza ve tsyeleka ya ndambu. Muntu yina ke zonzá tsyeleka ke yibá ve, to ke vuná ve samu na kuzwa mbongo to kima ya nkaka. (Tanga Bingana 24:28 na Baefeze 4:28.) Yandi ke futá mpe bampaku ya luyalu (impôts). (Baroma 13:5-7) Na kusalá faso yayi, beto ke lakisa ti “beto ke sosaka na kuvanda na nkadulu (ndyatulu) ya mbote na mambu nyonso.”—Baebre 13:18.

  • Kukangama kaka na Kimfumu ya Yehova zola zonza yinki
    Sepela na luzingu ya ntangu nyonso!—Masolo samu na kuzaba Biblia
    • Kileso 45. Ntwenya mosi ya kento me telama na buzitu nyonso ntangu bampangi ya yandi ke na yimbá nzimbu ya yinsi, kasi yandi ke na yimbá ve yawu mpe me tula ve diboko na ntulu mutindu bampangi me sala yawu.

      KILESO 45

      Kukangama kaka na Kimfumu ya Yehova zola zonza yinki

      Yesu longá ti bilandi ya yandi me lunga kuvanda ve “bantu ya yinza.” (Yoane 15:19) Ya zola zonza ti beto ke vandá ya kukangama kaka na kimfumu ya Nzambi. Na kifwani beto ke kotá ve na politique mpe na ba guerres to na muvusu ya yinza. Ntangu ya nkaka, kutula ve yintu na mambu ya politique lenda vanda mpasi. Bantu lenda seka beto samu beto ke kotá ve na mambu ya politique to na mambu ya nkaka ya yinza. Wa’ faso beto lenda vanda kaka ya kukangama na Nzambi ya beto Yehova mpe na kimfumu ya yandi?

      1. Wapi mutindu bakristo ya tsyeleka ke tadilá baluyalu ya bantu?

      Bakristo ke zitisá baluyalu ya bantu. Beto ke salá mutindu Yesu zonzá mpe “ke [pesaka] na ntinu Sezale bima yina kele ya Sezale.” Na yawu, beto ke tumamá na misiku ya bwala mutindu musiku ya kufuta mpaku. (Marke 12:17) Biblia ke longá ti kana baluyalu ya bantu kele, ya ke samu ni Yehova me bika ya salama mutindu yina. (Baroma 13:1) Ni yawu ke na natá beto na kuzaba ti, bimfumu ya bantu ke kaka na lutumu ya fioti na mantwala ya Nzambi. Beto ke kwikilá ti kaka ni Nzambi na kimfumu ya yandi lenda yidika bamambu ya yinza.

      2. Wa’ faso beto lenda lakisa ti beto ke ya kukangama kaka na kimfumu ya Yehova?

      Mutindu Yesu, beto ke kotá ve na mambu ya politique. Ntangu bantu talá mosi ya bimangu ya Yesu, ba sosá kutula yandi mfumu ya bawu awa na ntoto. Kasi Yesu mangaka (Yoane 6:15) Samu na yinki yandi mangaka? Mutindu yandi zonzá na manima, “Kimfumu ya munu kele ve ya yinza yayi.” (Yoane 18:36) Mutindu bilandi ya Yesu, beto ke lakisá ti beto ke kaka ya kukangama na kimfumu ya Nzambi na bafaso mingi. Na kifwani, beto ke nwaná ve ba guerres. (Tanga Mika 4:3.) Beto ke zitisá bidimbu ya bwala mutindu drapeau, beto ke pesá ve yawu nkembo yina beto me lunga kupesa na Nzambi. (1 Yoane 5:21) Beto ke soolá ve bimvuka ya politique to bantu yina zola kubaka kimfumu. Ni na kusalá mutindu yayi mpe mitindu mingi ya nkaka beto ke lakisá ti beto ke ya kukangama kaka na kimfumu ya Nzambi.

      SOSA KUZABA MBOTE-MBOTE

      Tala bamambu yina lenda sala ti ya vanda mpasi samu na beto na kukota ve na mambu ya politique, mpe tala mikanu yina nge lenda baka samu na kupesa Yehova kilengi.

      Bakala mosi me vanda ya kukangama kaka na kimfumu ya Nzambi, yandi ke na kipeke ata fioti ve mambu yina bantu ya politique ke na zonzá.

      3. Bakristo ya tsyeleka ke kotá ve na mambu ya politique

      Yesu na bilandi ya yandi bikilá beto kifwani samu na mambu yayi. Tanga Baroma 13:1, 5-7 na 1 Piere 2:13, 14. Na manima, tala VIDEO mpe beto zonzila byuvu yina ke landa.

      VIDEO: Bakristo ya tsyeleka ke kotá ve na mambu ya politique—Kitini 1 (4:28)

      • Samu na yinki beto me lunga kuzitisa bantu ya luyalu?

      • Wa’ faso beto lenda lakisa ti beto ke tumamá na bawu?

      Na bantangu ya guerre, bayinsi ya nkaka ke zonzá ti ba ke ve na kati ya mambu yina, kasi ba ke sadisá bayinsi yina ke nwanaka. Yinki bakristo ya tsyeleka me lunga kusala? Tanga Yoane 17:16. Na manima, tala VIDEO mpe beto zonzila kyuvu yina ke landa.

      VIDEO: Bakristo ya tsyeleka ke kotá ve na mambu ya politique—Kitini 2 (3:11)

      • Yinki zola zonza kukota ve na mambu ya politique?

      Yinki beto ke sala kana bamfumu ya yinsi me lomba beto na kusala mambu yina ke na kwelaná ve na luzolo ya Nzambi? Tanga Bisalu 5:28, 29. Na manima, tala VIDEO mpe beto zonzila byuvu yina ke landa.

      VIDEO: Bakristo ya tsyeleka ke kotá ve na mambu ya yinza—Kitini 3 (1:18)

      • Kana musiku ya luyalu ke na kwelaná ve na musiku ya Nzambi, na wapi yina beto ke tumama?

      • Na wapi bamambu nge me kanisa ti mukristo me lunga ve kutumama na luyalu ya bantu?

      4. Beto kukota ve na mambu ya yinza na makanisi mpe na ndyatulu ya beto

      Tanga 1 Yoane 5:21. Na manima, tala VIDEO mpe beto zonzila byuvu yina ke landa.

      VIDEO: Bakristo ya tsyeleka ke na nsatu ya kuvanda na bukindi samu na kukota ve na mambu ya yinza (2:49)

      • Na video, samu na yinki Ayenge mangá kupesa nkembo to mbote na drapeau, kuyimba nzimbu ya yinsi ya yandi (hymne nationale), to kukota na mambu ya politique?

      • Nge me kanisa ti yandi baká mukanu ya mbote?

      Wapi mambu ya nkaka lenda sala ti ya vanda mpasi samu na beto na kukota ve na mambu ya politique? Tala VIDEO, mpe na manima beto zonzila byuvu yina ke landa.

      VIDEO: Malongi yina beto me kuzwa na Yinzo ya Kengidi—Beto vanda ntama na mambu ya yinza ya kukabuka (5:16)

      • Wa’ faso beto lenda lakisa ti beto ke kotá ve na mambu yina ke kabulá yinza, na ntangu ya bansaka ya nene yina ke vukisá babwala mingi (compétition sportive internationale)?

      • Wa’ faso beto lenda lakisa ti beto ke na kotá ve na mambu ya politique, ata ntangu mambu yina bantu ya politique ke zonzá mpe ke salá lenda natina beto bambote to ve?

      • Yinki lenda kumina beto kana beto ke lutisá ntangu mingi na kuwa, kutala to kutanga mambu ya politique to na bantu yina ke zonzilá mingi mambu ya politique?

      Collage: 1. Kikunku ya bantu yina ke na nkele me basika na nzila samu na kuzonza na ngolo nyonso mambu yina ke na sepelisá ve bawu. 2. Bakala mosi ke na gangá mpe me nanguna drapeau na kilumbu ya bansaka. 3. Mwana ya lukolo me tula diboko na ntulu mpe ke na yimbá nzimbu ya yinsi. 4. Soda mosi ya bakala me nanguna munduki. 5. Bantu zole ya politique ke na wisaná ve na mambu yina ba ke na zonzaka. 6. Kento mosi ke na tulá na dibwata mukanda yina me lakisa ti yandi me soola muntu ya politique.

      Wa’ faso bakristo ke lakisá ti ba ke vandá kaka ya kukangama na kimfumu ya Nzambi na mambu yina ba ke kanisá mpe ke salaka?

      BANTU YA NKAKA KE ZONZAKA: “Samu na yinki beno ke pesá ve mbote na drapeau mpe ke yimbá ve nzimbu ya yinsi?”

      • Wapi mvutu nge ke pesa?

      NA BUNKUFI

      Bakristo ke salá nyonso samu na kukota ve na mambu ya politique na makanisi, nzonzolo mpe ndyatulu ya bawu.

      Mambu ya kusimba

      • Wa’ faso beto ke tadilá baluyalu ya bantu?

      • Samu na yinki beto me lunga kukota ve na mambu ya politique na makanisi, nzonzolo mpe ndyatulu ya beto?

      • Wapi bamambu lenda sala ti ya vanda mpasi samu na beto na kukota ve na bamambu yina ke kabulá yinza?

      Yina nge lenda sala

      SOSA KUZABA DYAKA

      Wapi bangolo beto me lunga kusala samu na kukota ve na mambu ya politique?

      Yehova ke bika ve beto ata fioti (3:14)

      Yinki bantu ya dikanda lenda sala samu na kubongama na mantwala ya bamambu yina lenda nata bawu na kuvanda ve ya kukangama na kimfumu ya Nzambi?

      Kukota ve na bamambu yina ke pesá lukumu na bwala (4:25)

      Tala samu na yinki kunwanina yinsi ya nge ke ve mambu ya kulutila mbote yina muntu lenda sala

      ‘Na Nzambi mambu nyonso lenda salama’ (5:19)

      Tala wa’ faso kuvanda ve “bantu ya yinza” ntangu beto ke baká mikanu na yina me tadila kisalu.

      “ Chacun portera sa propre charge ” (La Tour de Garde, 15 Mars 2006)