-
Wapi mutindu beto lenda baka mikanu ya mboteSepela na luzingu ya ntangu nyonso!—Masolo samu na kuzaba Biblia
-
-
5. Zitisa mikanu yina bampangi ke bakaka
Bantu nyonso ke baká ve mikanu faso mosi. Na yawu, wa’ faso beto lenda lakisa buzitu na mikanu ya bampangi? Beto tala bamambu zole:
Mambu 1: Mpangi mosi ya kento yina ke zolá kuzenga basuki mutindu bakala, me kwenda na kimvuka kisika bampangi mingi ya bakento ke zolá ve faso ya kusala yina.
Tanga Baroma 15:1 mpe 1 Bakorinto 10:23, 24, mpe na manima beto zonzila byuvu yayi:
Wa’ faso baverse yayi lenda sadisa mpangi ya kento yina? Yinki nge ke sala kana nge kele na muntu yina ke na talá yimbi na kusala mambu yina nge ke ve na talá yimbi?
Mambu 2: Mpangi mosi ya bakala zaba ti Biblia ke niminá ve na kunwa malafu, kasi yandi baká mukanu ya kunwá ve yawu. Ba me bokila yandi na kukwenda kudya na bampangi, mpe kisika yina, yandi ke na talá bampangi ke na kunwá malafu.
Tanga Longi 7:16 mpe Baroma 14:1, 10, mpe na manima beto zonzila byuvu yayi:
Wa’ faso baverse yayi lenda sadisa mpangi ya bakala yina? Yinki nge ke sala kana nge me tala muntu ke na salá mambu yina nge ke talá yimbi?
Yinki nge me bonga kusala samu na kubaka mikanu ya mbote?
1. Lomba na Yehova na kusadisa nge na kubaka mikanu ya mbote.—Zaki 1:5.
2. Sosa na kati ya Biblia mpe na kati ya mikanda ya beto bamambu yina lenda sadisa nge. Nge lenda tala mpe bakristo yina ke ya kuyela na kimpeve.
3. Kanisa na mambu yina mukanu nge ke baka ke sala na nge mosi mpe na bampangi.
-
-
Wapi mutindu dikanda ya nge lenda vanda na kilengi?—Kitini 1Sepela na luzingu ya ntangu nyonso!—Masolo samu na kuzaba Biblia
-
-
6. Nge lenda nunga bamambu na kati ya dikwela ya nge
Dikwela ya kulunga kele ve. Kasi ba yina ke ya kukwela lenda sala kintwadi samu na kununga bampasi ya makwela. Tala VIDEO, mpe na manima beto zonzila byuvu yina ke landa.
Na video, yinki vandá lakisa ti luzolo ya bakala na kento yina kumá madidi?
Yinki ba salá samu na kukumisa dikwela ya bawu ngolo?
Tanga 1 Bakorinto 10:24 na Bakolose 3:13. Na manima ya kutanga mosi na mosi ya baverse yayi, beto zonzila kyuvu yayi:
Wapi mutindu kusadila mambu yina baverse yayi me zonza lenda kumisa ngolo dikwela?
Biblia ke zonzá ti beto me fwana kuzitisa bampangi. Kulakisa buzitu zola zonza kubakila muntu na mutindu ya mbote mpe na malembe. Tanga Baroma 12:10, mpe na manima beto zonzila byuvu yayi:
Na kati ya dikwela, nani me lunga kupesa ntete mpangi buzitu, bakala to kento? Samu na yinki nge me zonza faso yina?
-
-
Samu na yinki mvwatulu mpe mutindu ya beto ya kuyidika nzutu ke mfunuSepela na luzingu ya ntangu nyonso!—Masolo samu na kuzaba Biblia
-
-
Mosi na mosi na kati ya beto ke na mutindu yina yandi ke zolá kulwata mpe kuyidika nzutu. Kana beto landa mambu yina Biblia ke zonzá, beto ke soola kusala ve kaka mambu yina beto ke zolá, kasi mambu yina ke pesá Yehova kilengi. Beto zonzila ndambu ya malongi ya Biblia yina ke sadisa beto.
1. Wapi malongi ya Biblia me fwana kutwadisa beto na faso ya beto ya kulwata mpe ya kuyidika nzutu?
Beto me fwana kusoola “bilele yina me fwanana, kukondwa kulutisa ndilu mpe kuvanda na makanisi ya mbote,” mpe kubumba bunkete na faso ya beto ya kuyidika nzutu yina ke lakisa ti beto kele “ya kukangama na Nzambi.” (1 Timote 2:9, 10, nwt) Beto zonzila mbote-mbote malongi 4 yayi: (1) Bilele ya beto me fwana kuvanda “ya kufwanana.” Kaka mutindu nge ke talaka yawu na balukutakanu, mutindu ya kulwata, ya kuyidika basuki mpe ya kuyidika nzutu ya Bambangi ya Yehova kele ve faso mosi. Kasi ntangu beto ke salaka yawu, beto ke salá nyonso samu na kulakisa buzitu ya beto na Nzambi yina beto ke sambilaka. (2) Mutindu ya beto ya kulwata me lunga “kulutisa ve ndilu.” Ya zola zonza ti faso ya beto ya kuyidika nzutu zolá vumbula ve na bampangi nsatu ya kuvukisa nzutu, to kunata bampangi na kutala ti beto ke na salá matalana. (3) Beto ke lakisá “makanisi ya mbote” ntangu beto ke soolá ve kulanda bafaso nyonso ya yinza ya kulwata mpe ya kuyidika nzutu. (4) Mutindu ya beto ya kuyidika nzutu me fwana kulakisa ntangu nyonso ti “beto kele ya kukangama na Nzambi,” mpe kulakisa na bantu ya nkaka ti beto ke sambilá Nzambi ya tsyeleka.—1 Bakorinto 10:31.
2. Samu na yinki kukanisa na bampangi ntangu beto ke soolá bilele mpe faso ya kuyidika nzutu?
Mosi na mosi na kati ya beto ke soolaka yandi mosi faso ya kuyidika nzutu to bilele yina yandi ke lwata. Kasi ntangu beto ke na salaka yawu, beto me fwana kukanisa na yina ya ke sala na bampangi. Beto ke sosá kusala nyonso samu na kunyongisa ve bampangi kasi samu “na kuyangidika mpangi [kupesa kilengi] na kusala yandi mambu ya mbote samu na kukulisa yandi na kiminu.”—Tanga Baroma 15:1, 2.
3. Wapi mutindu mvwatulu ya beto lenda nata bantu na kusosa kuzaba matsyeleka?
Beto ke salá bangolo na kulwata na faso ya mbote bisika nyonso beto ke kwendá. Kasi beto ke salá mingi keba na faso ya beto ya kulwata ntangu beto ke kwendá na balukutakanu ya kimvuka mpe ntangu beto ke samunaka. Beto ke salá faso yina samu bantu yamba na faso ya mbote nsangu ya mbote yina beto ke natinaka bawu. Na yawu, faso ya beto ya kuyidika nzutu mpe ya kulwata lenda nata bantu ya nkaka na kusosa kulongoka matsyeleka ya Biblia mpe ya ke “pesa nkembo na mambu nyonso na ndongosolo ya Nzambi, kivuukisi ya beto.”—Tite 2:10.
SOSA KUZABA MBOTE-MBOTE
Tala wapi mutindu beto lenda sala ti bilele mpe faso ya beto ya kuyidika nzutu lakisa pwelele na bantu ti beto kele bakristo ya tsyeleka.
Mutindu ya beto ya kuyidika nzutu ke lakisá kana beto kele na buzitu samu na bantu yina ke na lutumu na zulu ya beto to ve. Ntembe ve, Yehova ke talá yina ke na kati ya ntima ya beto, kasi na faso ya beto ya kulwata beto ke lakisa buzitu samu na yandi
4. Kuyidika nzutu na faso yina me fwanana ke lakisá buzitu na Yehova
Wapi yina ke mosi ya bamambu yina ke natá beto na kuyidika nzutu ya beto na mutindu ya mbote? Tanga Nkunga 47:2, mpe na manima beto zonzila byuvu yayi:
Wapi mutindu kuzaba ti beto ke natá nkumbu ya Yehova me fwana kunata beto na kubaka mikanu ya mbote na faso ya beto ya kulwata?
Nge me kanisa ti ya ke mbote na kuyidika nzutu ntangu beto ke kwendá na balukutakanu to ntangu beto ke samunaka? Samu na yinki nge me zonza mutindu yina?
5. Wapi mutindu kubaka mikanu ya mbote na mambu ya kulwata mpe ya kuyidika nzutu
Ata ti bilele ya beto kele ntalu to ve, ya me fwana kuvanda na bunkete mpe ya kulunga na kisika yina beto kele. Tanga 1 Bakorinto 10:24 mpe 1 Timote 2:9, 10. Na manima, beto zonzila samu na yinki beto zolá lwata ve bilele yina ke . . .
mvindu, ya kupasuka mpe fioti to nene mingi na nzutu ya beto.
nkufi, ke simbá nzutu (serré), ke lakisá bisika ya nzutu yina zolá talana ve to ke natá bampangi na kuvanda na makanisi ya yimbi to nsatu ya kuvukisa nzutu.
Bakristo ke ve na yisi ya musiku ya Moyize, kasi mambu yina ke na kati ke sadisá beto na kuzaba mutindu Yehova ke tadilá bamambu ya nkaka. Tanga Kulonga Misiku 22:5, mpe na manima beto zonzila kyuvu yayi:
Samu na yinki beto fwana kulosa mutindu ya kulwata mpe ya kuyidika nzutu yina ke natá babakala na kutalana mutindu bakento mpe bakento kutalana mutindu babakala?
Tanga 1 Bakorinto 10:32, 33 na 1 Yoane 2:15, 16, mpe na manima beto zonzila byuvu yayi:
Samu na yinki beto fwana kutala kana mutindu ya beto ya kuyidika nzutu ke na salá mpasi na bampangi kisika yina beto ke vandá to na kati ya kimvuka?
Wapi mutindu bantu ke lwatá to ke yidiká nzutu kisika yina nge ke vandaka?
Nge me kanisa ti bafaso ya nkaka ya kulwata yayi me lunga ve samu na bakristo? Samu na yinki nge me zonza mutindu yina?
Beto lenda lwata mpe kuyidika nzutu na bafaso mingi yina ke pesá Yehova kilengi
BANTU YA NKAKA KE ZONZAKA: “Mu lenda lwata faso ni faso mu me zola.”
Nge me ndima mutindu ya kukanisa yayi? Samu na yinki nge me zonza mutindu yina?
NA BUNKUFI
Ntangu beto ke baká mikanu ya mbote na mambu ya kuyidika nzutu, beto ke lakisá buzitu ya beto na Yehova mpe na bampangi.
Mambu ya kusimba
Samu na yinki faso ya beto ya kulwata mpe ya kuyidika nzutu ke mfunu mingi na meso ya Yehova?
Wapi malongi ya Biblia lenda sadisa beto na kubaka mikanu ya mbote na yina me tadila faso ya beto ya kuyidika nzutu?
Mutindu ya beto ya kulwata mpe ya kuyidika nzutu ke salá yinki na bantu yina ke ve bisadi ya Yehova?
SOSA KUZABA DYAKA
Tala yinki bilele ya beto ke lakisá na bantu.
“Yinki faso ya munu ya kulwata ke lakisaka?” (Tanga yawu na jw.org)
Longoka samu na yinki ya ke mfunu na kukanisa mbote-mbote tekila na kubaka mukanu ya kutula bisoni to bizizi na nzutu (tatouage).
“Yinki Biblia ke zonzá na yina me tadila kutula bisoni to bizizi na nzutu?” (Tanga yawu na jw.org)
Tala malongi ya Biblia ya nkaka yina lenda sadisa beto na kubaka mikanu ya mbote.
“ Ton habillement honore-t-il Dieu ? ” (La Tour de Garde, Septembre 2016)
Yinki natá kento mosi na kundima faso ya bampangi ya kuyidika nzutu?
“ Je croyais que la coquetterie était condamnable ” (Réveillez-vous !, 22 Décembre 2003)
-