• Yinki ke sadisa nge na kubika ve kulongoka Biblia?
    Sepela na luzingu ya ntangu nyonso!—Masolo samu na kuzaba Biblia

    • 4. Sala ti kulongoka Biblia vanda mosi ya bamambu ya ntete na luzingu ya nge

      Ya lenda salama ti nge vanda ve na ntangu mingi na kulongoka Biblia, samu nge ke na bamambu mingi ya kusala. Yinki lenda sadisa nge? Tanga Bafilipi 1:10, mpe na manima beto zonzila byuvu yayi:

      • Wapi yina kele “mambu ya mfunu” na luzingu ya nge?

      • Wa’ faso nge lenda sala ti kulongoka Biblia kuma mosi ya bamambu ya ntete na luzingu ya nge?

      A. Collage: Bizizi ke na lakisá faso ba ke na fulusá kantine na bantoto mpe matadi. 1. Kikunku ya bantoto na kikunku ya matadi ya nene. 2. Kantine mase fuluka na bantoto. 3. Matadi ya nene ke na zulu ya bantoto, mpe ya nkaka ke na yinsi samu ya me lunga ve na kati ya kantine. B. Collage: 1. Kaka kinkuku ya bantoto na kikunku ya matadi ya nene yina vandá na kizizi ya ntete. 2. Awa, ba me banda kutula ntete matadi ya nene. 3. Ba me bwela bantoto na zulu ya matadi ya nene, kantine me fuluka. Ndambu ya bantoto me bikana na ngaanda.

      1. Kana nge tula bantoto na kati ya kantine mpe nge sosa kubwela matadi na zulu, matadi ke lunga ve

      2. Kana nge banda kutula ntete matadi, na manima nge ke kuzwa kisika ya kutula bantoto mingi. Ntangu nge ke bwela bantoto, ya ke lunga. Mutindu mosi mpe, kana nge tula “mambu ya kulutila mfunu” na kisika ya ntete na luzingu ya nge, nge ke lenda kusala yawu, mpe nge ke kuzwa dyaka ntangu ya kusala bima ya nkaka

      Kulongoka Biblia ke lungisaka bansatu ya beto ya kimpeve. Bansatu ya kimpeve awa ke ni kuzaba mpe kusala luzolo ya Nzambi. Tanga Matayi 4:4, mpe na manima beto zonzila kyuvu yayi:

      • Wapi yina kele mambu ya kulutila mfunu na luzingu ya muntu? Wa’ faso kulongoka ya nge ya Biblia lenda sadisa nge na kusala yawu?