-
Wapi mutindu ya muntu Yehova kele?Sepela na luzingu ya ntangu nyonso!—Masolo samu na kuzaba Biblia
-
-
3. Wa’ faso Yehova ke lakisá ti yandi ke zolá beto?
Kifu ya ntete ya mbote ya Yehova ke luzolo. Na yawu, biblia ke zonzá ve kaka ti Nzambi ke na luzolo, kasi ti “Nzambi kele luzolo.” (1 Yoane 4:8) Yehova ke lakisá ve beto luzolo ya yandi kaka na nzila ya biblia, kasi mpe na nzila ya bima yina yandi yidikaka. (Tanga Bisalu 14:17.) Na kifwani, tala faso yandi yidiká beto. Yandi yidiká beto na makoki ya kutala mpe kuzola ba couleurs ya kitoko, ya kuwa banzimbu ya kitoko, mpe ya kuzola madya ya kitoko. Yandi pesá beto nyonso yayi samu beto sepela na luzingu.
-
-
Mabuundu ya luvunu ke natá bantu ntama na NzambiSepela na luzingu ya ntangu nyonso!—Masolo samu na kuzaba Biblia
-
-
2. Wa’ faso bansalulu ya mabuundu ya luvunu ke natá bantu ntama na Nzambi?
Mabuundu ya luvunu ke bakilá ve bantu faso Yehova. Biblia ke zonzá ti “Masumu ya [bawu] me kuma mingi mpe ya me fuluka tii na mazulu.” (Luzabusu 18:5) Banda ntama, mabuundu ya luvunu ke kotá na mambu ya politique. Ba ke sadisá mpe ke sakumuná basoda yina ke kwendá na kunwana. Ni yawu natiná bantu mingi lufwa. Bamfumu ya nkaka ya mabuundu ke zolá kuvanda na luzingu ya bantu ya mbongo. Na yawu, ba ke lombá mbongo na bilandi ya bawu samu ba lenda kunata luzingu yina. Bansalulu ya faso yayi me lakisa ti ba me zaba ve Nzambi, mpe ba me lunga ve kulonga mambu ya Nzambi.—Tanga 1 Yoane 4:8.
-