• Yinki lenda sadisa nge kana nge me sala disumu ya nene
    Sepela na luzingu ya ntangu nyonso!—Masolo samu na kuzaba Biblia

    • 4. Yehova ke lakisaka ntima ya kyadi na basumuki

      Kana muntu me sala disumu ya nene mpe me manga kulanda malongi ya Yehova, ba ke katula yandi na kati ya kimvuka, mpe beto ke lutisa dyaka ve ntangu na yandi. Tanga 1 Bakorinto 5:6, 11 mpe na manima beto zonzila kyuvu yayi:

      • Mutindu levure ke vimbisá pâte ya dimpa, samu na yinki kulutisa ntangu na muntu yina me sumuka mpe me manga kubalula ntima lenda bebisa kimvuka?

      Samu na kulanda kifwani ya ntima ya kyadi yina Yehova ke lakisaka na muntu yina me sala disumu, bakuluntu ke salaka nyonso samu na kusadisa ba yina ba katulaka na kati ya kimvuka. Mingi na kati ya bawu vutukaka na kati ya kimvuka. Samu na yinki? Samu ti, ata ya vanda sala bawu mpasi samu ba katulaka bawu na kati ya kimvuka, ya sadisaka bawu na kuzaba ti mambu yina ba salaka vandaka yimbi.​—Nkunga 141:5.

      Wapi mutindu faso ya Yehova ya kubakila muntu yina me sala disumu ke lakisaka ti yandi ke salaka bamambu ya kulunga, ke na ntima ya kyadi mpe luzolo?

      5. Yehova ke lemvokilá beto ntangu beto ke balulá ntima

      Yesu sadilá kifwani mosi yina ke sadisá beto na kuzaba yinki ya ke salaka Yehova ntangu muntu ke balulá ntima. Tanga Luke 15:1-7, mpe na manima beto zonzila kyuvu ayi:

      • Yinki disolo yayi ke na longá nge na yina me tadila Yehova?

      Tanga Ezekiele 33:11, mpe na manima beto zonzila kyuvu yayi:

  • Vanda kaka ya kukangama na Yehova
    Sepela na luzingu ya ntangu nyonso!—Masolo samu na kuzaba Biblia

    • 1. Wapi mutindu bantu ya nkaka lenda sosa kubwisa kiminu ya beto na Yehova?

      Bantu ya nkaka lenda sosa kukanga beto nzila na kusadila Yehova. Bantu yango ke banani? Ya lenda vanda bantu yina vandá Bambangi ya Yehova na ntama, kasi me bika kusadila Yehova mpe ke na zonzá mambu ya luvunu na yina me tadila dibuundu ya Yehova samu na kubwisa kiminu ya beto. Ba ke bokilá bawu, bantu yina me balula Yehova na dibuundu ya yandi mukongo (apostats). Bamfumu ya mabuundu ya nkaka ke zonzá mambu ya luvunu na yina me tadila beto, samu na kunata bantu ya nkaka yina ke salá ve keba, na kubika matsyeleka. Kusolola na bawu, kutanga babuku to bima yina ba ke tulá na internet, kukota na ba sites internet ya bawu to kutala bavideo yina ba ke salaka, ke tula luzingu ya beto na mpasi mpe ke bwisa kiminu ya beto. Samu na ba yina ke sosá kunata bampangi ntama na Yehova, Yesu zonzá: “Beno bika bawu! Bawu kele bampofo [bantu yina ke na meso ya kufwa] yina ke na kunata bampangi ya bawu bampofo. Kana mpofo ke na kunata mpofo ya nkaka, bawu nyonso zole ke kubwa na dibulu.”—Matayi 15:14.

      2. Wapi mutindu mikanu ya beto lenda lakisa kana beto ke ya kukangama na Yehova to ve?

      Luzolo ya beto na Yehova ke sala ti beto manga mambu nyonso yina lenda nata beto na kusala kintwadi na mabuundu ya luvunu. Ya vanda kisalu ya beto, bimvuka ya nkaka yina beto ke kotá to mambu ya nkaka yina beto ke salá, zolá nata ve beto na kukota na bamambu ya mabuundu ya luvunu. Yehova me kebisa beto: “Bantu ya dikanda ya munu! Beno basika na [Babilone ya nene].”—Luzabusu 18:2, 4.

      SOSA KUZABA MBOTE-MBOTE

      Longoka yinki nge lenda sala samu na kuvanda ntama na bantu yina lenda nata nge na kuvanda dyaka ve ya kukangama na Yehova. Tala mpe mutindu nge lenda basika na Babilone ya nene samu na kulakisa kukangama ya nge na Yehova.

      3. Keba na bantu yina ke longá mambu ya luvunu

      Yinki beto me fwana kusala kana beto me kuwa mambu ya yimbi na yina me tadila dibuundu ya Yehova? Tanga Bingana 14:15, mpe na manima beto zonzila kyuvu yayi:

      • Samu na yinki beto zolá sala keba na kundima ve mambu nyonso yina beto ke kuwaka?

      Tanga 2 Yoane 9-11, mpe na manima beto zonzila byuvu yayi:

      • Wapi mutindu beto me fwana kubakila bantu yina me balula Yehova na dibuundu ya yandi mukongo?

      • Ata ti beto ke sololá ve na bantu yina, samu na yinki kutanga babuku, kutala bavideo to kukota na site internet ya bawu, lenda nata beto na kuwa bawu?

      • Nge me kanisa ti ya ke pesa Yehova kilengi kana beto kuwa mambu ya luvunu yina bantu ke zonzá samu na yandi to na dibuundu ya yandi?

      4. Vanda ya kukangama kana mpangi mosi me sala disumu