Lusambusu ya Kokkinakis na Grese: Droit réservé
Kubanda na zulu na diboko ya kento tii na yinsi na diboko ya kento: Lusambusu ya Université ya mbanza Virginie ya westi na Barnette; Lusambusu ya Kokkinakis na Grese; Lusambusu ya Taganrog LRO mpe Bantu ya nkaka na Russie; Lusambusu ya Cha mpe Bantu ya nkaka na Corée ya Sude
ZINGA MUTINDU BAKRISTO ME FWANA KUZINGA
“Kunwanina mpe kusala ngolo samu bamfumu ya luyalu pesa beto muswa ya kusamuna nsangu ya mbote”
Ntangu bambeni sosá kukanga bazwife nzila na kutunga dyaka tempelo, bazwife salá nyonso samu luyalu pesa bawu muswa ya kutunga. (Esd 5:11-16) Bubu yayi mpe, beto ke salá nyonso na kunwanina mpe kusala ngolo samu bamfumu ya luyalu pesa beto muswa ya kusamuna nsangu ya mbote. (Flp 1:7) Samu na kusala yawu, na 1936, beto salá Biro yina ke nwaninaka Bambangi ya Yehova na mantwala ya baluyalu. Biro yayi ke na kisika ba ke twadisá kisalu ya beto. Bubu yayi, Biro yayi ke twadisá kisalu ya kunwanina dibuundu ya Yehova na babwala nyonso. Yinki Biro yayi ke salá samu kisalu ya Kimfumu kwenda na mantwala, mpe wapi bambote beto me kuzwa na kisalu ya bawu?
TALA VIDEO FASO BAMAMBU KE SALAMAKA NA BIRO YINA KE TWADISAKA KISALU YA KUNWANINA BAMBANGI YA YEHOVA NA MANTWALA YA BALUYALU, MPE NA MANIMA PESA MVUTU NA BYUVU YAYI:
Wapi bamambu ya mpasi Bambangi ya Yehova ke kutaná na yawu na mantwala ya baluyalu?
Wapi bamambu beto nungá na mantwala ya baluyalu? Pesa kifwani
Yinki mosi na mosi na kati ya beto lenda sala na yina me tadila “kunwanina mpe kusala ngolo samu bamfumu ya luyalu pesa beto muswa ya kusamuna nsangu ya mbote”?
Na site ya beto jw.org, wapi kisika beto lenda kuzwa bansangu na yina me tadila bamambu yina Bambangi ya Yehova ke na kutaná na yawu na mantwala ya baluyalu, mpe bankumbu ya bampangi ya beto yina ba me tula na boloko samu na kiminu ya bawu?