Wapi mutindu Biblia lenda sadisa dikanda ya nge?

BABAKALA YA KUKWELA/BATATA

“Mutindu mosi, babakala fwana kuzola bakento ya bawu mutindu ba ke zolaka banzutu ya bawu mosi. Bakala yina ke zolaka kento ya yandi ke zolaka nzutu ya yandi mosi, samu ata muntu mosi ve ke yiinaka nzutu ya yandi mosi. Kasi yandi ke dikisaka yawu mpe ke kipeke yawu . . . Konso muntu na kati ya beno fwana kuzola kento ya yandi mutindu yandi ke zolaka nzutu ya yandi mosi.”

Baefeze 5:28, 29, 33

“Batata, beno kupesa ve bana ya beno nkele, kasi beno tatamana na kukulisa bawu na malongi mpe balukebusu ya Yehova.”

Baefeze 6:4

BAKENTO YA KUKWELA

“Kento fwana kuvanda na buzitu ya mingi samu na bakala ya yandi.”

Baefeze 5:33

“Beno bakento, beno tumama na babakala ya beno, mutindu ya me fwanana na Mfumu.”

Bakolose 3:18

BANA

“Bana, beno tumama na bibuti ya beno na bumosi na Mfumu, samu ya ke mbote. ‘Pesa tata ya nge na mama ya nge lukumu;’ ya ke musiku ya ntete yina ke na nsilulu yayi: ‘Samu bamambu kwenda mbote samu na nge mpe nge zinga ntangu mingi na ntoto.’”

Baefeze 6:1-3

“Beno bana, beno tumama na bibuti ya beno na mambu nyonso, samu ya ke mbote mingi na Mfumu.”

Bakolose 3:20