KYUVU 6
Yinki Biblia bikulaka na yina me tadila Masiya?
MBIKUDULU
“Nge, O Betelemi Efrata, . . . Muntu yina ke vanda mfumu na Izraele samu na munu ke basika na nge.”
Mika 5:2
KULUNGANA
“Yesu butukaka na Betelemi ya Zude ntangu Erode vandaka mfumu. Na manima, banganga yina ke tangaka bambwetete samu na kuzaba bamambu yina ke kwiza na mantwala, katukaka na Esti mpe kwizaka na Yeruzalemi.”
MBIKUDULU
“Ba me kabula bilele ya munu bawu na bawu, mpe ba me bula dzeke samu na bilele ya munu.”
Nkunga 22:18
KULUNGANA
“Ntangu basoda komaka Yesu na yinti, ba bakaka bilele ya yandi ya zulu mpe ba kabulaka yawu na bitini yiya . . . Kasi kilele ya yandi ya kati vandaka ve ya kutunga. Ya vandaka kaka lele mosi kubanda na zulu tii na yisi. Na yawu, ba zonzaka na bampangi: ‘Beto bika kupasula yawu, kasi beto bula dzeke samu na kuzaba nani ke baka yawu.’”
MBIKUDULU
“Yandi ke na bumbaka mikwa ya yandi nyonso; ata mosi ya yawu ba me buka.”
Nkunga 34:20
KULUNGANA
“Ntangu ba kumaka na sika ya Yesu, ba talaka ti yandi vandaka me kufwa. Na yawu, ba bukaka ve yandi makulu.”
MBIKUDULU
“Ba tobolaka yandi samu na kukondwa kutumama ya beto.”
Izayi 53:5
KULUNGANA
“Soda mosi tobolaka yandi mbanzi na dikonga mpe na mbala mosi, menga na maza basikaka.”
MBIKUDULU
“Ba pesaka munu difuta ya munu, bambongo ya bisengo 30.”
Zakari 11:12, 13
KULUNGANA
“Na yawu, mosi ya bantumwa 12 yina ba vanda bokilaka Yuda Iskayote, kwendaka tala bamfumu ya banganga-nzambi, mpe yandi zonzaka: ‘Yinki beno ke pesa munu samu mu tekisa beno yandi?’ Ba wisanaka na kupesa yandi bambongo ya bisengo 30.”