Sosa kuzaba bima ya malu-malu ntangu nge ke na longokaka Biblia

Ntangu beto ke na bongamaka samu na kulongoka, beto lenda yufula: ‘Yinki mu ke longoka?’ Kasi beto zimbana ve, ata ti beto ke na mwa bamambu yina beto ke na sosaka kulongoka, ya kanga ve beto nzila ya kutala bima yina Yehova ke na sosaka kulonga beto. Na yawu, wa’ faso beto lenda tala yina Yehova ke na sosaka kulonga beto?

Sambila samu nge kuzwa ndwenga. Nge lenda lomba na Yehova na kusadisa nge na kubakula yinki yandi ke na nsatu ya kulonga nge na ntangu yina. (Zaki. 1:5) Kusuka ve kaka na bamambu yina nge zaba.​—Bin. 3:5, 6.

Bika ti mambu ya Nzambi sala na luzingu ya nge. “Mambu ya Nzambi kele moyo.” (Ebr. 4:12) Bambala nyonso yina beto ke tangaka Biblia, ya lenda longa beto “mambu” ya malu-malu mpe kusadisa beto na bafaso mingi na luzingu. Kasi ya lenda salama kaka kana beto sosa kuzaba yinki Nzambi ke na longaka beto.

Vutula Yehova matondo na bima yina yandi ke na sadilaka samu na kulonga beto. Madya ya kimpeve ke mutindu ‘feti mosi ya madya ya mbote.’ (Iza. 25:6) Sala keba na kukima ve bamambu yina nge ke na kanisaka ti kana nge longoka yawu ya ke pesa ve nge kilengi. Pesa nzila na Yehova samu yandi sadisa nge na kukuma muntu ya mbote mpe nge ke tala kilengi ya kulongoka Biblia!