Ruha 8

Yisinke adi tanta nomfa daJesus koge?

Mazuva gatatu konyima zapa ga fire Jesus, vakadi vamwe kwa zire kontoko zendi nokukazigwana siporongwa. Jehova kwa vhumbwire Jesus konomfa.

Konyima Jesus ta ya monekere vapositoli vendi.

Yimo, Jehova kwa vhumbwire Jesus keparu ngosisitwa sononkondo sopampepo. Varongwa vaJesus va mu mwene kuna kuronda a ze meguru.

Jesus kwa fire yipo tu paruke. Johanesa 3:16

Yisinke “mfeto” zononzo?—Varoma 6:23.

Jesus ga paturura nzira zokutwara komwenyo gwanarunye.—Varoma 5:21.

Jesus kwa geve eparu lyendi ngonzambo zokuzowora vantu. (Mateusa 20:28) Kupitira monzambo zina zosizoweseso, Karunga kwa yi vhulikisa yipo tu vhure kuparuka narunye.

Jehova kwa tura Jesus a kare Hompa mokupangera evhu. Age nga pangera kumwe novantu wovalimburukwi wokusika ko-144 000, ava ava vhumbwire keparu lyemeguru. Jesus nava 144 000 kwa tulisa po epangero lyemeguru lyouhungami, Uhompa waKarunga.—Ehororo 14:1-3.

Uhompa waKarunga ngau ninka evhu li kare paradisa. Yita noukorokotji noruhepo nonzara kapi ngayi kara ko hena. Vantu ngava hafa sili unene.—Episarome 145:16.

Karunga kwa vhumbwire Jesus nokumutura a kare Hompa goUhompa wendi. Ndaniyera 7:13, 14

Matungiko musinke ngau reta Uhompa waKarunga?—Episarome 72.

Twa hepa kukanderera Uhompa waKarunga u wize.—Mateusa 6:10.