SIRONGWA 23

Ngapi yimbapiratjangwa yetu ava yi tjanga nokuyitoroka?

Muntu ana kurugana moDepartamente zoKutjanga, moAmerika — Departamente zoKutjanga, moAmerika.

Mugara gomoArmenia kuna kwaterere buke va toroka Nombangi daJehova — Armenia

Mukadona gomoBurundi kuna kwaterere buke va toroka Nombangi daJehova — Burundi

Mukadi gomoSri Lanka kuna kwaterere yifo va toroka Nombangi daJehova — Sri Lanka

Ose kutoroka yimbapiratjangwa yetu momaraka gokupitakana po-750 yipo tu vhure kuudisa ‘mbudi zongwa komarudi nagenye nomaraka nagenye nonomuhoko nadinye.’ (Ehororo 14:6) Ngapi omu eyi ayi tu tompoka? Kupitira mevatero lyovatjangi novatoroki wokulisiga-siga ano navenye kuna kara Nombangi daJehova.

Pomuhowo kuyitjanga moRuingilisa. Mbungagendesi kugendesa yirugana yomoDepartamente zoKutjanga ezi za kara komberewa zetu zonene. Departemente ezi kugava yirugana kovatjangi wokulisiga-siga ava va kara komberewa zonene ntani nokoNobeteli dimwe. Kukara novatjangi wokulisiga-siga kuvatera mokutjanga yirongwa eyi ayi kundama vantu navenye.

Kuyituma kovatoroki. Nsene vana mana kuyitjanga moRuingilisa, tava yi tumu kovatoroki kupitira mokompiuta, awo kurugana kumwe va toroke. Vatoroki kuhorowora ‘nonkango douhunga dousili’ edi nadi gava egano lina kara mweyi va tjanga moRuingilisa.—Muudisi 12:10.

Kompiuta kurerupika yirugana. Kompiuta kapi azi toroka. Nye vatoroki kuruganesa malikwamo gomokompiuta mokurerupika yirugana yawo. Nombangi daJehova da rugana elikwamo ava tumbura asi MEPS. Amo yimo ava topa-topere vatoroki nonkango, nokutura mafano mosimbapiratjangwa nokusiwapaika si pwe kurugana.

Morwasinke atu torokere nampili momaraka aga ava uyunga vantu wovasesu? Morwa Jehova ga hara asi “vantu navenye va paruke, awo hena va ka sike kediwo lyousili.”—1 Timoteusa 2:3, 4.

Ngapi yimbapiratjangwa yetu ava yi tjanga?
Morwasinke atu torokere yimbapiratjangwa momaraka gomanzi?