Etwaromo lyoRuha 12

Jesus nga rongo vantu kuhamena Uhompa wemeguru. Age ga va rongere hena va kanderere asi edina lyaKarunga va li pongore, noUhompa wendi u wize ntani nompango zendi va zi sikise mo pevhu ngwendi meguru. Nsene wa kara nomunona, mu fatwilire eyi ali tanta ekanderero olyo. Jesus kapi ga pulisilire Satana a teze po ulimburukwi wendi. Jesus kwa horowere vapositoli vendi, ava ngava ka pangera moUhompa. Koneka upampi waJesus koukareli wousili. Morwa Jesus kwa here kuvatera wopeke, nga verura vaveli nokukutika mbunga nokupindura vafe. Yitetu nayinye eyi, kwa likida eyi ngau ka ruganena Uhompa vantu komeho.