Omu no gwanena mo mauwa gomanzi moyirongwa eyi yoBibeli
Lironga nagumwe goNombangi daJehova: Pura ogu ga kupa mbapira ezi a ku ronge ndi tura mo ehundiro kupitira koIntaneta, jw.org.
RUHA ROKUHOVA
Resa nkenye paragarafu, kukwatera mo mapuro aga va sovaganeka (A) ntani matjangwa (B) aga ga nkondopeka magano gomulyo. Koneka asi matjangwa gamwe kwa ga tjanga asi “resa.”
RUHA ROPOKATJI
Ntanto za kara (C) konhi zosiparatjangwa Lironga ko yoyinzi kufaturura eyi yina kukwama ko. Yiparatjangwagona (D) kunkondopeka magano gomulyo. Resa matjangwa, limburura mapuro, ntani tarera novidiyo (E).
Tara mafano nononkango edi va tjanga konhi zefano (F), ntani gazadara ko eyi no limburura kepuro lya kara konhi zosiparatjangwa Vamwe kutanta asi (G).
RUHA ROKUHULILIRA
Sirongwa kuhagesa noyiparatjangwa (H) Yinke ono lirongo? ntani Erugururomo. Ruha Sirongwa kwa si mene, tjanga mo ezuva eli wa si mene. Ano ruha Heteka eyi (I) kukupa eyi no rugana o gwederere kediwo lyoge. Mauzera gamwe (J) kwa kara mo mauzera gokugwederera ko aga no vhura kuresa ndi kutarera.
Omu no gwana matjangwa moBibeli zoge
Edina kuna tamba buke zomoBibeli(A), nomora zokuhova kulikida egaununo lyobuke (B), nomora ndi nonomora dokukwama ko kulikida velise ndi novelise (C). Pasihonena, Johanesa 17:3 kwa tamba kobuke zaJohanesa, egaununo 17, velise 3.