Madiviso
◼ Eyi ngatu hanesa mwaMurongagona: Sifo Vangarareni! Nsene kapi muna kara naso, kuvhura kuhanesa sifo Yinke. Murongankuru: Nsapi zokutwaredera koruhafo rwemepata. Nsinano: Yinke azi rongo Bibeli sili? Kudumogona: Watchtower noAwake! Kuvhura hena kuhanesa sifo Ove kuvhura kukara kaume kaKarunga!
◼ Mokumona asi Nsinano kwa kara noyikondovike yitano, ako ngano ngaku kara kwedi kokuwa unene mokurugana upioniri wokuvatera.
◼ Kuvarekera mwaMurongankuru dogoro momazuva 2 gaNsinano, siuyungwa sanavenye sosipe somutareli goruhamukunda ngasi kara asi: “Kupi no vhura kugwana evatero moyiruwo yomaudigu?”
◼ Nombungakriste da hepa kutura po mawapaiko gomawa mokurugana Murarero moMapeu momazuva 22 gaNsinano momvhura ezi konyima zokukatoka ezuva. Siuyungwa kuvhura si livinduke kusigava, nye epitiso lyovhinyu nomboroto lya hepa kutameka tupu konyima zokukatoka ezuva. Tara momukunda gweni asi vili musinke ali toko ezuva. Nsene kuvhura, nkenye mbungakriste za hepa kurugana Murarero gwazene. Nsene nombungakriste dononzi kuruganesa Sinyanga simwe tupu, nampo zimwe ndi kupita opo kuvhura kuruganesa evango lyapeke kongurova ozo. Nsene kuruganesa Sinyanga simwe tupu, nsene kuvhura, pa pite nominute 40 yipo navenye va gwanene mo uwa melikwatakano konyima zoMurarero. Va hepa kutarurura mukaro gomatuwa ntani nousikamekero wago, eyi kuna kwatere mo pokureta nokuyasimba vantu. Vakuronambunga va hepa kutokora asi mawapaiko musinke ga wapera momukunda gwawo.
◼ Kamutjangi gombungakriste ga hepa kudivilisa asi vana kara nopioneer appointment letter (S-202) zankenye mupioniri gokukarerera mombungakriste. Nsene kapi vana kara nazo, tjangera komberewa zomutayi.
◼ Vamwe wokurugana konombapira kwa pulire asi ezuvake nava hepa kutuma mbapira Literature Request Form (S-14). Tareni pelikwamo eli ali likida asi mazuvake ava tumu nombapira kombunga zeni. Mbapira zeni zoLiterature Request Form za hepa ku ka sika koMberewa zomoAfrika Mbindakano komeho ndi mezuva eli va didilika nonondanda edi va sovaganeka. Pelikwamo, awo va didilika hena mazuva aga ava tumu nombapira di tunde moAfrika Mbindakano di wize koNamibia. Yivike yivali konyima zezuva eli va didilika mu gave mbapira Literature Request Form koMberewa zomoAfrika Mbindakano, yipo ava tumu nombapira koNamibia. Nsene mbapira zeni zehundiro za ka sika nosiruwo, ano vana kara nayo eyi muna hundire, tava yi tumu ngamoomu vana yi likida pelikwamo lyeni. Mulyo kutuma mbapira Literature Request Form nkenye kwedi, nampili eyi muna hundire yisesu. Nombungakriste domoNamibia kuvhura kutuma nombapira dawo doLiterature Request Form kupitira moposa, fax ndi e-mail mokuninka asi mahundiro gawo ga ka sike koMberewa nosiruwo.
◼ Mutareligendesi ga hepa kutara asi sivaro soyimbapira yoYirugana yetu yoUhompa sina gwanene po mombungakriste, kumwe neyi yokuhupa ko. Nsene yinzi ava gwana, ehundiro lyombungakriste lya hepa kulisesupika pokuruganesa Magazine Request Form (M-202). Nsene yisesu ava gwana, ehundiro kuvhura kulivhukisa. Vazuvhisi navenye va hepa kugwana simbapira. Owo ava kara nkenye apa mEpongo lyoYirugana ntani ava vana kutura po ezokomeho lyokukalihameka moyirugana yomomapya nawo va hepa kugwana. Divilisa asi muna hupisa ko simwe sokuvhura kupungura mobibiliyoteka zomoSinyanga soUhompa. Ava va gusa mo mombunga nokuvapa si simbapira soYirugana yetu yoUhompa.—Tara Kakende kepuro mosimbapira soYirugana yetu yoUhompa somwaMurongankuru 1987.
◼ Mpandu kelihameko lyeni mekonakono mokutokora asi nsene hepero kurugana Watchtower zonondanda dononene moRumburu noRusutu noRukhosa. Ngesi twa gwana epulisiro kurugana Watchtower zonondanda dononene moRusutu noRukhosa, nye kapisi moRumburu morwa mahundiro masesu. Ngatu tuma yifo eyi konombungakriste mokuliza neyi va likidire mekonakono. Nombungakriste dapeke nado kuvhura kutuma mahundiro gado. Kutanta asi nsene mbungakriste zeni za lihamekere mo mekonakono, ngomu gwana Watchtower zonondanda dononene moRusutu nomoRukhosa mokuliza nomahundiro geni.
◼ Morwa marunduruko goThe Watchtower, Oshungonangelo zomoRukwanyama/Rundonga ngazi zumbanesa yirongwa yimwe. Yipo nye ngava rugana sifo sokulikarera esi ngasi kara noyirongwa oyo. Ngava tuma sifo esi konombungakriste nadinye edi adi gwana Oshungonangelo moRukwanyama/Rundonga.