Sirongwa 1

Omu no diva eyi ga hepa Karunga

Magano musinke gomulyo ga kara moBibeli? (1)

Yilye ga retesa po Bibeli? (2)

Morwasinke no lirongera Bibeli? (3)

1. Bibeli sigava somulyo sa tunda kwaKarunga. Azo ngwendi mbilive ga tjangera guhya geharo vana vendi. Azo kututantera usili kuhamena Karunga, yige yilye ntani nompango dendi. Azo kufaturura omu no lididimikira maudigu nokugwana erago lyene-lyene. Bibeli zelike zokututantera eyi natu rugana mokuhafesa Karunga.—Episarome 1:1-3; Jesaya 48:17, 18.

2. Vagara 40 wokulisiga-siga kwa gusire nomvhura 1 600 mokutjanga Bibeli, kwa tamekere kuzitjanga monomvhura 3 500 da ka pita. Amo kwa kara mo tubukegona 66. Ava va tjenge Bibeli kwa va gendesere Karunga. Awo kwa tjenge magano gendi, kapisi gavene. Yipo nye asi Karunga gemeguru yige ga retesa po Bibeli, kapisi vantu vepevhu.—2 Timoteusa 3:16, 17; 2 Peturusa 1:20, 21.

3. Karunga ga divilisire asi Bibeli va zi tjangurure nawa-nawa nokuzipopera. Nobibeli dononzi va di pwagesa kupitakana nkenye buke zapeke. Nsene to lirongo Bibeli kapisi navenye ngava yi hafera, nye wa ha hageka. Pokudiva Karunga nokurugana mpango zendi nampili momarwaneso ngo ka gwana mwenyo gwanarunye.—Mateusa 5:10-12; Johanesa 17:3.