Sirongwa 16

Etokoro lyoge lyokukarera Karunga

Yinke no vhura kurugana mokukara kaume kaKarunga? (1, 2)

Ngapi omu no ligava kwaKarunga? (1)

Siruwoke no gwana ekuho? (2)

Ngapi omu no gwana nonkondo dokukara noulimburukwi kwaKarunga? (3)

1. Mokukara kaume kaKarunga, wa hepa kugwana ediwo lyewa lyousili woBibeli (1 Timoteusa 2:3, 4), kukara nepuro moyininke eyi wa lironga (Vahebeli 11:6), kulitezurura kononzo doge (Yirugana 17:30, 31), ntani kurundurura mparukiso zoge. (Yirugana 3:19) Makura eharo lyoge kwaKarunga ngali ku ninkisa o ligave nyamoge kwendi. Eyi kutanta asi mekanderero lyopwanyamoge to mu tantere asi to ligava kwendi mokurugana mpango zendi.—Mateusa 16:24; 22:37.

2. Konyima zokuligava nyamoge kwaKarunga, wa hepa va ku kuhwe. (Mateusa 28:19, 20) Ekuho kudivisa navenye asi ove ono ligava nyamoge kwaJehova. Yipo nye asi ekuho alyo lyowo tupu wokuvhura kutura po etokoro lyokukerera Karunga. Apa ava mu kuhu muntu, rutu rwendi narunye rwa hepa kurudivida karuwogona momema.a—Marukusa1:9, 10; Yirugana 8:36.

3. Konyima zokuligava kwendi, Jehova nga ndindira asi o paruke kuliza netumbwidiro lyoge. (Episarome 50:14; Muudisi 5:4, 5) Muzonaguli nga hetekera ko kukuhagekesa mokukarera Jehova. (1 Peturusa 5:8) Nye hedera Karunga pepi mekanderero. (Vafilipi 4:6, 7) Lironga Nonkango dendi nkenye apa. (Episarome 1:1-3) Kara pepi nombungakriste. (Vahebeli 13:17) Pokuyirugana nayinye eyi, ngo gwana nonkondo dokukara noulimburukwi kwaKarunga. Narunye ngo vhura kurugana yininke eyi ga hepa ko Karunga koge!

[Nonkango dokonhi]