Vantu kwa parukire Ruhanzo — BIBILIYOTEKA ZOKOINTANETA

Ruha 3

Vantu kwa parukire Ruhanzo

Karunga kwa zonagwire uzuni woudona nye ga parwire Nowa nepata lyendi

NGOMU va vhukire vantu, nzo noudona nayo kwa lihanenene pevhu. Ano Henoka, muporofete gwaJehova nga rondora asi Karunga ezuva limwe nga zonagura po vantu wovadona. Nye, udona simpe kwa vhukire unene kupitakanena. Konyima vaengeli vamwe hena kwa ya rwanesere Jehova pokusiga mavango gawo gemeguru, nokugusa marutu gosintu va wize pevhu nokuyakwara vakadi. Vagara novakadi owo kwa ya retere vanona womamuturungu ava va kere nononkondo, ngava rugana yininke yonyanya nokudipaga vantu. Eyi kwa guvisire sili Karunga pokumona omu vana kuzonagura yisitwa yendi yepevhu.

Konyima zonomfa daHenoka, kwa ya kere ko hena mugara ogu ga lisigire novantu vena wovadona. Edina lyendi Nowa. Nage nepata lyendi ngava hetekere ko kurugana youhunga kosipara saKarunga. Apa ga tokwere Karunga kuzonagura po vantu wovadona wouzuni wina, ga here kupopera Nowa noyikorama. Makura Karunga kwa mu tanterere a tunge emuwato. Nowa nepata lyendi, kumwe noyikorama yokulisiga-siga kwa kere memuwato, ano awo kwa parukire ekuruhanzo eli lya horokere mouzuni naunye. Nowa kwa limburukwire kwaKarunga. Posiruwo sina ga tungire emuwato, Nowa ‘nga udisa hena uhungami.’ (2 Peturusa 2:5) Age kwa rondwere vantu kuhamena Ruhanzo, nye awo kapi va purakenene. Apa sa sikire mo siruwo, Nowa nepata lyendi ntani noyikorama tava perama memuwato. Karunga makura ta zedire evero lyemuwato. Makura mvhura ta zi tameke kuroka.

Azo kwa rokere unene mazuva 40 mutenya nomasiku dogoro uzuni mudima tau hanzere. Vantu wovadona kwa fire. Konyima zomakwedi, apa ga ya pwililire mema, emuwato tali ya hegama pondundu. Posiruwo apa Nowa nepata lyendi va ya pwege mo memuwato, awo kwa kere mo mvhura zimwe. Mokugava rupandu, Nowa kwa geve nzambo kwaJehova. Karunga kwa limbwilire Nowa nepata lyendi pokuvatumbwidira asi kapi nga zonagura hena uzuni mudima koruhanzo. Age kwa tulire po ekongoro, ngosidiworokeso setumbwidiro lyendi.

Konyima zoRuhanzo, Karunga kwa ya pere vantu nompango donompe. Age kwa va pulisilire va lye nyama zoyikorama. Nampili ngoso, ga va nyokesere kulya honde. Ga tanterere hena ruvharo rwaNowa ruzwide uzuni mudima, nye vamwe kapi va limburukwire. Mepitisiro lyaNimuroto, vantu kwa tamekere kutunga ruhungu rorure mositata saBabeli, esi va ya tumbwire konyima asi Babironi. Sitambo sawo kwa kere sokurwanesa mpango zaKarunga zokuzwida uzuni mudima. Nye Karunga kwa hagekesere varwenesi pokupiyaganeka eraka lyawo nokuvaninkisa va uyunge maraka gokulisiga-siga. Morwa edirokulizuvha, awo kwa hagekere etungo nokulihanena mwaza uzuni.

—Kuna tundu mwaGenesis egaununo 6 dogoro 11; Juda 14, 15.

◼ Ngapi omu udona wa lihanenene pevhu?

◼ Ngapi omu Nowa ga yi likidire asi age muntu gomulimburukwi?

◼ Esiliko musinke ga pere Karunga vantu konyima zoRuhanzo?

[Kakende kepepenuno 6]

KUKARA NOMALIKWATAKANO NAKARUGA

Sinzi sovana woAdamu naEva kwa nyokere upangeli waJehova. Nampili ngoso, kapisi navenye va nyokere upangeli waJehova, gokuhova kwa kere munwawo gomulimburukwi Abeli. Konyima, Henoka naNowa kwa kere nomalikwatakano naKarunga, eyi kutanta asi awo kwa parukire monkedi ezi za hafesere Jehova. (Genesis 5:22; 6:9) Sinzi somatjango gomoBibeli kwa demenena kovagara novakadi ava nawo va horowere Karunga ngomupangeli gwawo.

[Kakende kepepenuno 6]

● Genesis

Exodus

Levitikus

Numeri

Deuteronomium

Josuwa

Vapanguli

Rutu

1 Samwere

2 Samwere

1 Vahompa

2 Vahompa

1 Histoli

2 Histoli

Esira

Nehemiya

Esitera

Joba

Mapisarome

Yisewe

Muudisi

Rusumo

Jesaya

Jeremiya

Malirankali

Hesekiyeli

Ndaniyera

Hoseya

Jowera

Amosa

Obadja

Jona

Mika

Nahumu

Habakuku

Sefaniya

Hagayi

Sakaliya

Marakiya

Mateusa

Marukusa

Rukasa

Johanesa

Yirugana

Varoma

1 Vakolinte

2 Vakolinte

Vagarata

Vaefeso

Vafilipi

Vakorosi

1 Vatesaronika

2 Vatesaronika

1 Timoteusa