Ruhepo ngaru haga po ndi?

EYI AZI UYUNGA BIBELI

“Karunga nga kokota mahodi nagenye komeho gawo. Nomfa kapi hena ngadi kara ko, neguwo si nomalirankali nokukora kapi ngayi kara ko hena.”—Ehororo 21:3, 4.

MULYO GONONKANGO ODO

Kutulikida asi Karunga kapisi yige a retesa po maudigu getu.—Jakopo 1:13.

Kutuhengagwida pokudiva asi Karunga kutufira nkenda apa atu kara nomaudigu.—Sakaliya 2:8.

Kutupa ehuguvaro asi ruhepo ngaru haga po.—Episarome 37:9-11.

KUVHURA TU PURE EYI ZA UYUNGA KO BIBELI NDI?

Tu tareni nokonda mbali:

• Karunga ga nyenga ruhepo noudona. Gazadara omu ga lizuvhire Jehova Karunga apa vantu vendi va va hepekere. Bibeli kulikida asi Jehova nga retere vantu vendi nkenda morwa ‘kuvahepeka.’—Vapanguli 2:18.

  Karunga ga nyenga unene ava ava hepeke vakwawo. Pasihonena, Bibeli kuuyunga asi age kwa nyenga ‘mawoko gokudipaga vantu va hana nzo.’—Yisewe 6:16, 17.

• Karunga kutupakera mbili. Jehova kutukorangeda tu mu pe yinka yetu ‘yeeyi age kutupakera mbili.’—1 Peturusa 5:7.

  Kupitira moUhompa wendi, Jehova nga ka gusa po ruhepo rwankenye gumwe. (Mateusa 6:9, 10) Ngesi, age kuna kuhengagwida ava ava mu papara nonomutjima nadinye.—Yirugana 17:27; 2 Vakolinte 1:3, 4.