SIRONGWA 02
Bibeli kugava ehuguvaro lyokomeho
Mouzuni mudima vantu kuligwanekera nomaudigu aga aga va guvisa, nokuvaretera sinka nokukora. Wa ligwanekera rumwe noukaro ou wa ku ninkisire nove o lizuvhe ngoso ndi? Nampo ove kuna kuhepa morwa uvera ndi gumwe ogu wa hara ga fa. Ove nampo kulipura asi: ‘Eparu ngali wapa tupu ndi?’ Bibeli kugava elimbururo kepuro olyo.
1. Ngapi omu Bibeli azi tu pe ehuguvaro?
Bibeli kwa faturura eyi mouzuni muna vhukire maudigu ntani kwa faturura hena asi maudigu ogo ntaantani ngaga hage po. Bibeli kwa tumbwidira ehuguvaro ‘lyokomeho eli tuna kundindira.’ (Resa Jeremiya 29:11, 12.) Matumbwidiro aga kutuvatera tu lididimikire maudigu aga tuna kuligwanekera nago, nokukara nonkareso zongwa ntani nokugwana ruhafo rwanarunye.
2. Kuliza noBibeli, ngapi eparu ngali ka kara komeho?
Bibeli kutanta asi komeho “nomfa kapi hena ngadi kara ko, neguwo si nomalirankali nokukora kapi ngayi kara ko hena.” (Resa Ehororo 21:4.) Maudigu gamwe aga aga tu ninkisa tu zumbanese ehuguvaro meparu kuna kara ruhepo, elitondororo, uvera ntani nomfa, nye kapi ngaga ka kara ko hena komeho. Bibeli kwa tumbwidira asi vantu ngava ka hafera eparu pevhu moParadisa.
3. Ngapi omu no yi diva asi eyi za tumbwidira Bibeli ngayi ka sika mo?
Vantu wovanzi kwa hara asi yininke yoyiwa ngano yi horoke, nye kapi va diva nawa-nawa asi ehuguvaro lyawo ngali ka sika mo ndi pira. Nye ya lisiga neyi za tumbwidira Bibeli. Ose kuvhura kuhuguvara eyi azi uyunga ‘pokukonakona nawa Matjangwa.’ (Yirugana 17:11) Ngomu ono kulironga Bibeli, ngo tokora nyamoge nsene asi to pura eyi za uyunga ko kuhamena meho.
LIRONGA KO YOYINZI
Konakona maukaro gamwe aga za tumbwidira Bibeli kuhamena meho. Tara omu Bibeli zina kuvatera vantu naina.
4. Bibeli za tumbwidira asi ose ngatu ka paruka narunye pwa hana maudigu
Tara matumbwidiro gomoBibeli aga gana kukwama ko. Etumbwidiro musinke wa hara po unene, ntani morwasinke?
Resa matjangwa aga vana tura komatumbwidiro ogo, makura zogereni mapuro aga:
Ngapi omu matjangwa aga gana ku vatere? Kuvhura ga vatere hena vakaume nava vemepata lyeni ndi?
Gazadara ko kuparuka mouzuni omu
NGAMU DIRA . . . |
NKENYE OGU NGA KA . . . |
|---|---|
|
|
|
|
|
|
|
|
|
|
5. Eyi za tumbwidira Bibeli kuvhura yi ku hengagwide
Vantu wovanzi kuvadompesa nokuvahandukisa maudigu aga gana kuhoroka. Vamwe kukondja paapa va hulira asi va ga guse po. Tara omu etumbwidiro lyoBibeli lina kuvatera vantu. Likida VIDIYO, makura zogereni mapuro aga gana kukwama ko.
Kuliza novidiyo, yisinke ya handukisire Rafika?
Nampili ngomu elitondororo eli ga mwene lya dilire kuhaga, ngapi omu Bibeli za mu vaterere?
Ehuguvaro lyomoBibeli kutuvatera tu nyokere po kudompa mutjima ntani nokulididimikira maudigu. Resa Yisewe 17:22 ntani Varoma 12:12, makura zogereni mapuro aga:
Omu ono kugazara, ehuguvaro eli lya kara moBibeli kuvhura kutjindja eparu lyoge ngesi ndi? Ntani morwasinke?
VAMWE KUTANTA ASI: “Eyi za uyunga Bibeli kuhamena meho kapi ngayi ka sika mo.”
Morwasinke ya karere nomulyo asi o papare nyamoge mauzera?
YINKE ONO LIRONGO?
Bibeli kwa kara nomatumbwidiro gomanzi kuhamena meho, ano eyi kutupa ehuguvaro ntani kutuvatera tu lididimikire maudigu.
Erugururomo
Morwasinke vantu va hepera kudiva eyi ga tumbwidira Karunga?
Yisinke azi uyunga ko Bibeli kuhamena meho?
Ngapi kukara nehuguvaro lyokomeho nayi ku vatera ngesi?
MAUZERA GAMWE
Lironga ko yoyinzi omu ehuguvaro nali ku vatera.
Koneka omu ehuguvaro lyokuhamena meho nali vhura kuvatera ava va kara nouvera wokudira kuveruka.
“Kuvhura Bibeli zi vatere ava va kara nouvera wokudira kuveruka ndi?” (Sirongwa sokojw.org)
Apa no tarera musika govidiyo, ligazara nyamoge nepata lyoge omu muna kuhafera matumbwidiro gokomeho moParadisa.
Resa kuhamena mugara ogu ga here kutjindja uzuni, ga ya litjindjire apa ga lirongere matumbwidiro gokomeho.
“Kapi ani lizuvhu hena asi na hepa kutjindja uzuni” (Ruhungu, 1 Pembankuru 2013)