Upampi

Mpango: “Karunga kwa tu vaterere tu kare nouradi yipo tu mu zuvhisire mbudi zongwa.”—1 Tes. 2:2.

Eyi ga rugene Jesus

Jesus kuna kutantera Sakeusa a humburuke ko kositji, eyi kwa tetukisire vamwe ava va kere po.

VIDIYO: Jesus kuna kuzuvhisira Sakeusa

1. Tarera VIDIYO, ndi resa Rukasa 19:1-7. Makura konakona mapuro gana kukwama ko:

Morwasinke vantu vamwe va dililire kuhara kukara naSakeusa?
Yisinke ya tumangedere Jesus a mu zuvhisire mbudi zongwa?

Yisinke tuna lirongere ko kwaJesus?

2. Mokuzuvhisira nkenye ogu mbudi zoUhompa, twa hepa kukara noupampi.

Honena Jesus

3. Huguvara mwaJehova. Mpepo zaKarunga kwa vaterere Jesus a zuvhise noupampi, nove kuvhura zi ku vatere. (Mat. 10:19, 20; Ruk. 4:18) Pura Jehova a ku pe ko uradi o zuvhisire ava o tjira.—Yirug. 4:29.

4. Wa ha pangura vantu. Nampo kuvhura o dire kuhara kuzuvhisira vantu vamwe morwa emoneko lyawo ndi yirugana yawo ndi mparukiso zawo ndi eyi va pura. Nye diworoka asi:

Jehova naJesus kumona momutjima, nye ose nokuvhura si kumona momutjima.
Kapisi tu gazare asi Jehova kapi nga fira nkenda muntu ogo.

5. Kara nouradi nye ruganesa hena nondunge. (Mat. 10:16) Nyokera po nompata. Hagekesa po nzogera nsene muntu kapi ana hara kupurakena kombudi zongwa ndi kuna kulizuvha asi mosiponga ono kara.—Yis. 17:14.

TARA HENA

Yirug. 4:31; Efe. 6:19, 20; 2 Tim. 1:7