Omu no rugana elirongo lyoBibeli pokuruganesa Hafera eparu narunye!

Komeho mu ka lironge

1. 

   1. Liwapaikira nawa. Apa no liwapaikira, gazadara ko yihepwa yomurongwa goge noukaro wendi ntani neyi ga pura. Hetekera ko kugazara yitwa eyi nayi ka mu digopera kukwata egano ndi kutura pasirugana. Gazadara ko omu yirongwa eyi ya kara moruha “Mauzera gamwe” nayi vhura kuvatera murongwa pelirongo, makura yi ruganesa nsene hepero.

Apa nomu lironga

1. 2. Kuvhura o paturure noku patesa nekanderero nsene murongwa ana yi kwatesa ko.

2. 

   3. Wa ha uyunga unene. Demenena kweyi ya kara mobuke, ntani pulisira murongwa a pwagese omu ana kulizuvha.

3. 4. Nsene kuna kutameka ruha rorupe, resa oku rwa demenena ruha oro, nokutumbura ko yiparatjangwa yongandi.

4. 5. Nsene muna mana ruha, ruganesa erugururomo lyoruha o vatere murongwa a diworoke eyi ga lironga.

5. 6. Apa nomu lironga nomurongwa nkenye sirongwa:

   1. Reseni noparagarafu.

   2. Reseni matjangwa nagenye va didilika asi “Resa.”

   3. Reseni matjangwa gamwe aga va tura mo nsene hepero.

   4. 

      Likida novidiyo edi va didilika asi “Tarera” (nsene ono kara nado).

   5. Pura murongwa nkenye epuro va tura mo.

   6. Pura murongwa a tare kefano lya kara moruha “Lironga ko yoyinzi,” makura mu ninka a kumburure ko.

   7. Ruganesa kakende “Heteka eyi” mokuvatera murongwa a rugane ko yuma. Mu korangeda a sikise mo sitambo esi va tura mo ndi a liture po yitambo yimwe hena.

   8. Pura murongwa nsene kosili sirongwa ndi vidiyo ka haferere ezi za kara moruha “Mauzera gamwe” apa ka liwapaikilire.

   9. Hetekera ko kumana sirongwa nasinye pwankenye elirongo.

Nsene mwa mana kulironga

1. 

   7. Gazadara ko kuhamena murongwa goge. Hundira Jehova a tungike ezokomeho lyomurongwa goge ntani a ku pe unongo o dive omu no mu vatera.