MALIMBURURO KOMAPURO GOBIBELI
Karunga yige yilye edina lyendi?
Vantu vemembo lyetu navenye va kara nomadina gawo. Nampili yimuna ngwendi yimbisi ndi yimbwa! Kapi ngano nayi wapa asi Karunga nage a kare nedina ndi? MoBibeli, Karunga kwa kara noyitumbwiso yoyinzi ngwendi Karunga Munankondo nadinye, Hompa mupangeli ntani Musiti, nye nage ga kara nedina.—Resa Jesaya 42:8.
Matoroko gomanzi goBibeli kwa kara nedina lyaKarunga mEpisarome 83:18. Pasihonena, moBibeli zoNew World Translation of the Holy Scriptures, velise ozo kwa uyunga asi: “Ove, gedina Jehova, nyovelike mupangeli gomunene gouzuni mudima.”
Morwasinke natu ruganesera edina lyaKarunga?
Apa atu uyunga novantu ava twa hara ngwendi vakaume vetu, ose kuruganesa madina gawo
Karunga kuna tu harere tu ruganese edina lyendi. Apa atu uyunga novantu ava twa hara ngwendi vakaume vetu, ose kuruganesa madina gawo. Ayo ya lifana napa atu uyunga naKarunga. Ntani Jesus kwa tu korangeda tu ruganese edina lyaKarunga.—Resa Mateusa 6:9; Johanesa 17:26.
Nye mokukara vakaume vaKarunga, twa hepa kudiva yoyinzi kumuhamena kupitakana tupu edina lyendi. Pasihonena, yisinke ga hara neyi ga nyenga Karunga? Kuvhura tu hedere pepi naKarunga ndi? Kuvhura o gwane malimbururo komapuro ogo moBibeli.