MALIMBURURO KOMAPURO GOBIBELI

Yilye ga sita Muzonaguli?

Karunga kapi ga sitire Muzonaguli. Nye age kwa sitire muengeli gomuwa nye konyima ta ya kara Muzonaguli, ogu hena ga divikwa asi Satana. Bibeli kutanta asi Muzonaguli nare kwa kere noyikara yoyiwa. Pomuhowo, age kwa kere muengeli gomuwa gwaKarunga.—Resa Hesekiyeli 28:14, 15.

Ngapi muengeli gomuwa ga ya kara Muzonaguli?

Muengeli ogu ga ya kara Muzonaguli kwa rwanesere Karunga nokupukisa vantu wokuhova nawo va lipakerere nendi mokurwanesa Karunga. Monkedi zangoso, age kwa lininkire mwene a kare Satana, kutanta asi “Murwanesi.”—Resa Genesis 3:1-5; Ehororo 12:9.

Ngwendi yisitwa nayinye yaKarunga yonondunge, muengeli ogu ga ya kara Muzonaguli kwa kere nemanguruko lyokuhorowora pokatji keyi yoyiwa neyi yoyidona, nye age kwa here va mu karere. Eharo lyendi lyokuhara kumukarera kwa ya nkondoparere kupitakana eharo lyokuhafesa Karunga.—Resa Mateusa 4:8, 9; Jakopo 1:13, 14.

Ngapi omu Muzonaguli ga twikira kupukisa vantu? Kuvhura o mu tjire ndi? Gwana malimbururo moBibeli komapuro ogo.