Munazinyetu Gomombungagendesi Gomupe

Momazuva 24 Murongagona 2018, epata lyoBeteli zaAmerika nomoKanada kwa hefe apa va zuvhire madiviso gokulikarera asi: Munazinyetu Kenneth Cook, Jr., ngesi nage kuna kara gumwe gomoMbungagendesi zoNombangi daJehova.

Munazinyetu  Cook kwa mu hampurukira moAmerika modoropa zaPennsylvania. Age kwa lirongerere usili kwamukwawo ogu ngava dimbi nage sure kosekondere ntani age kwa gwene ekuho mo-7 Pembagona 1980. Age kwa tamekere sirugana souzuvhisi wokukarerera mo-1 Sitarara 1982. Ano mo-12 Sikukutu 1984 yipo va mu zigidire koBeteli zokoWallkill, moAmerika.

Kutunda apa va mu zigidire koBeteli, munazinyetu Cook nga rugana yirugana yokulisiga-siga ure wonomvhura 25, pasihonena, age nga rugana mokundurukira ntani nokupakera mbili epata lyoBeteli. Ano mo-1996 yipo ga kwere Jamie ogu nage ga ya tamekere kurugana koBeteli zaWallkill. MwaSindimba 2009 yipo va va tumine koPatterson, oku kwa kara nosikora dokulisiga-siga doNombangi daJehova oku nga ka rugana moDepartemende zokutjanga nokulimburura nombilive. MwaKudumogona 2016 yipo va ka tengwire hena koBeteli zaWallkill, nokuvatuma koBeteli zokoBrooklyn moAmerika. Ano konyima zomakwedi gatano, yipo va va tumine komberewa zetu zonene koWarwick moAmerika. MwaMurongagona 2017, Munazinyetu Cook yipo ga gwene situmbukira sokukara muvateli gomoKomitiye zokutjanga moMbungagendesi.