LITURA MO MOKUZUVHISA | GWEDERERA RUHAFO ROGE ROMOKUZUVHISA
Ronga varongwa woBibeli va dive omu nava lironga
Mokuvatera varongwa woBibeli va dive Jehova nokutura po ezokomeho, va hepa kulironga yoyinzi kupitakana tupu kudiva mausili aga atu va rongo. (Mat 5:3; Heb 5:12-14; 6:1-2) Ntani va hepa kudiva omu nava lironga vene.
Likida varongwa woBibeli omu nava liwapaikira elirongo lyawo lyoBibeli paapa tupu nomu tameka kulironga ntani va korangeda va yi sikise mo. (mwb18.03 epe. 6) Va korangeda va kanderere komeho va rugane nkenye apa elirongo lyavene. Va vatera va gwene yiruganeso yokoIntaneta nokuvalikida omu nava yi ruganesa melirongo lyawo. Va fatwilira omu nava gwana yininke yoyipe ko jw.org ntani ko JW Broadcasting®. Twikira kuvaronga omu nava resa Bibeli nkenye ezuva, nomu nava liwapaikira yokomapongo ntani nomu nava papara malimbururo komapuro gawo. Va vatera va tede ko kweyi vana kulironga.
TARERA VIDIYO VATERA VARONGWA WOGE VA DIVE OMU NAVA LIRONGA, MAKURA LIMBURURA MAPURO AGA:
Ngapi Neeta ga vaterere Jade a yi kwate egano asi kulironga kwa hamena mo yoyinzi kupitakana tupu kudiva malimbururo?
Yisinke ya vaterere Jade a yi pure asi Jehova ga kara nononkondo dokusilika ruhonda?
Ronga varongwa woge va dive omu nava lironga ntani va sikise mo eyi vana kulironga
Yisinke ga ya dimbwilire Jade kuhamena kuteda?