Eyi ngau rugana ko Uhompa waKarunga kuhamena uhaku

“Nampili ngomu uvera woCOVID-19 una dili hena kukundama unene ukanguki uzuni mudima, eyi kapi yina kutanta asi uvera ou kapi una kara nosiponga hena. . . Twa hepa kuyindindira asi uvera umwe ngau wiza ntani twa hepa kuliwapaikira.”—Dr. Tedros Adhanom Ghebreyesus, mupitisili gombunga zoUhaku zouzuni mudima, 22 Kudumonkuru 2023.

Vantu wovanzi kuna kuhepa panyama ntani nopomagazaro morwa uvera woKorona. Kuvhura mapangero ntani nombunga deyi youhaku di liwapaikire uvera wo kukwama ko, ntani kuvhura va tu vatere nomaudigu gouhaku aga tuna kara nago ngesi ndi?

Bibeli kututantera kuhamena epangero eli ngali tu pa uhaku wouwa ou twa hepa. Azo kutanta asi: “Karunga gemeguru nga dika sirongo,” ndi epangero. (Ndaniyera 2:44) Mepangero olyo, “nagumwe si ‘nga sivana asi tavere.’” (Jesaya 33:24) Nkenye ogu nga ka kara noukanguki wouwa ntani nononkondo ngwedi vadinkantu.—Joba 33:25.