Yilye ogu no vhura kuhuguvara?—⁠Yisinke azi uyunga ko Bibeli?

Ayo kuguvisa sili apa vantu ava va huguvara ava dili kusikisa mo eyi ava uyunga. Vantu wovanzi kapi hena va huguvara  . . .

• vanapolitika ava ava kondjere uwa wavene tupu kupitakana vakwawo.

• vanambudi ava ava dili kugava nombudi dokuvyukilira ntani douhunga.

• vadiviunsitwe ava ava dili kuruganena vantu uwa.

• vampitisili womaukarelikarunga ava ava kwatesa ko upolitika mevango lyokukarera Karunga.

Vantu va hepa kutakamesa asi yilye ogu nava vhura kuhuguvara. Bibeli kurondora asi:

• “Walye o huguvara vapangeli vepevhu; kwato muntu gokuvhura kukuparura.”—Episarome 146:3 Good News Translation.

Ogu no vhura kuhuguvara

 Bibeli za tumbura ogu no vhura kuhuguvara, age kuna kara Jesus Kristusa. Kapi tupu ga kere muntu gomuwa ogu ga parukire pevhu nomvhura dina kapita, nye Karunga kwa horowere Jesus a ‘pangere ngaHompa. . .  ntani Uhompa wendi kapi ngau haga.’ (Rukasa 1:32, 33) Jesus kuna kupangera ngaHompa meguru moUhompa waKarunga.—Mateusa 6:10.

• Mokulironga eyi no huguvarera Jesus, resa yirongwa eyi “Yilye Hompa goUhompa waKarunga?” ntani “Yisinke ngau sikisa mo Uhompa waKarunga?”