Morwasinke omu zuvhisire tunda embo zende embo?

Jesus kwa tanterere vasikuli vendi asi ‘zendeni konomuhoko nadinye mu ka di ninke di kare varongwa.’ (Mateusa 28:19, 20) Apa ga tumine varongwa vendi wokuhova, Jesus kwa va pangerere va ze kononzugo ndi momambo govantu. (Mateusa 10:7, 11-13) Konyima zonomfa daJesus, Vakriste wokuhova kwa twikilire kuhanesa mbudi moyitarameho “nomomambo.” (Yirugana 5:42; 20:20) Ose kutemwinina sihonena soVakriste wokuhova ntani twa nongonona asi kuzuvhisa tunda embo zende embo yizo nkedi zongwa zokugwana vantu.