Faturura omu nava sikisa mo Matjangwa

Johanesa 10:33-36

EYI NO RUGANA: Wa ha resa tupu etjangwa nokurundurukira usimbu kositwa sokukwama ko. Divilisa asi vantu ava ono kuronga kuna kukwata egano omu etjangwa lina lizi nositwa esi ono kupwagesa.

OMU NO YI RUGANA:

• Nkondopeka nonkango domulyo. Konyima zokuresa etjangwa, nkondopeka nonkango edi dina kukwatesa ko sitwa soge. Kuvhura o yi rugane oyo pokurugurura nonkango odo ndi pokupura epuro eli nali vatera vapurakeni woge va koneke nonkango odo metjangwa.

• Nkondopeka sitwa. Pokutumbura etjangwa eli no resa, faturura omu nonkango domulyo demetjangwa olyo dina kukwatesa ko konda zeyi ono li resere.

• Zeresa omu nava yi tura pasirugana. Nyokera po kutumbura magano aga gana dili kukwatesa ko sitwa esi ono hara kupwagesa. Tokora asi magano musinke no pwagesa yipo vapurakeni woge yi va zerere omu nava yi tura pasirugana.