SIRONGWA 10

Tjindja-tjindja ezwi

Yisewe 8:4

EYI NO RUGANA: Tjindja-tjindja ezwi pokuzerura nokugurumuna pokunkondopeka nokugomona ntani pokugenderesa nokuliwora.

Kuzerura nokugurumuna. Zerura ezwi nsene kuna kutumbura yitwa yomulyo ntani nsene kuna hara kuvatera vantu va ka yi rugane. Yirugana hena nsene kuna kuresa Matjangwa gompanguro. Gurumwisa ezwi mokulikida sinka ndi utjirwe ntani mokuvatera vantu va ndindire nononkondo eyi no ka uyunga.

Kapisi o zeragure ezwi lyoge, eyi kuninkisa vantu va lizuvhe asi kuna kuvahandukira. Nyokera po kulimonekesa pokuyirugana nomandunda.
Nkondopeka ndi gomona ezwi. Nkondopeka pokulikida sinano ndi unene wosininke ntani elituromo mweyi ono kuuyunga. Gomona ezwi mokulikida ruguwo ndi sinka.
Genderesa ndi liwora kuuyunga. Uyunga kugenderesa mokulikida ruhafo. Uyunga kuliwora nsene kuna kutumbura yitwa yomulyo.

Mokudira kupiyaganeka vantu, wa ha tjindja usimbu-simbu mbuuyungiso zoge pokugenderesa nokuliwora kuuyunga. Wa ha genderesa unene kuuyunga morwa nonkango dimwe kuvhura di dire kuzuvhika nawa.