Wantete wa Tusansu

4 O wan’a Yuda: Perese,+ Keserone,+ Kami, Kure+ yo Sobale.+ 2 O Raya wa mwan’a Sobale wawuta Yakati; Yakati wawuta Akumai yo Ladi. Awaya i vumu ya Anesora.+ 3 Awaya i wan’a se dia Etame:+ Yizerele, Yisema yo Yidebase (nkumbu a nsang’au Kaselelepone), 4 Penuele wa se dia Ngedo yo Eze wa se dia Kusa. Awaya i wan’a Kure+ wa mwan’antete a Eferata wa se dia Beteleme.+ 5 Asura+ wa se dia Tekoa+ akento wole kakala yau, Kela yo Nara. 6 Nara wanwutila Akuzami, Kefe, Temeni yo Akasetare. Awaya i wan’a Nara. 7 Wan’a Kela: Zerete, Yisa yo Etanane. 8 Akose wawuta Anubi, Sobeba ye vumu kia Akankele wa mwan’a Karumi.

9 Yabese waluta zitiswa ke mu mpangi zandi ko; ngudi andi wamvana nkumbu vo Yabese,* kadi wavova vo: “Mu mpasi inwutidi.” 10 Yabese wavova kwa Nzambi a Isaele oku vo: “Ekwe, kele vo wansambula yo vongesa e zunga kiame! Koko kwaku kwakala yame, kwantanina muna mbi, kwalembi kuntwasila e mpasi.” Nzambi olungisi e ndomb’andi.

11 Kelube wa mpangi a Suka wawuta Meki wa se dia Esetone. 12 Esetone wawuta Bete-rafa, Paseke yo Tekina wa se dia Ire-nakasi. Awaya i esi Reka. 13 O wan’a Kenaze: Oteniele+ yo Seraya, mwan’a* Oteniele: Kakati. 14 O Monote wawuta Ofera. O Seraya wawuta Yoabe wa se dia Nge-karasimi,* bayikilwa nkumbu yayi kadi akwa umbangu bakala.

15 O wan’a Kalebe+ wa mwan’a Yefune: Iru, Ela yo Nami; mwan’a* Ela: Kenaze. 16 O wan’a Yalelele: Zifi, Zifa, Tireya yo Asarele. 17 O wan’a Esera: Yete, Merede, Efe yo Yalone; wayimita* yo wuta Mireyame, Samai yo Yisebeke wa se dia Esetemoa. 18 (O nkaz’andi wa Nyuda wawuta Yerede wa se dia Ngedo, Kebe wa se dia Soko yo Yekutiele wa se dia Zanoka.) Awaya i wan’a Biteya wa mwan’ankento a Faro ona wasompwa kwa Merede.

19 O wan’a nkaz’a Odiya wa nsang’a Nakami i se dia Kila wa Ngereme yo Esetemoa wa Maka. 20 Wan’a Simone: Amenone, Rina, Bene-kanani yo Tilone. Wan’a Yisi: Zokete yo Bene-zokete.

21 Wan’a Sela+ wa mwan’a Yuda: Ere wa se dia Leka, Lada wa se dia Maresa, vumu ya avangi a nlele mia lino mia nzo a Aseba, 22 Yokime, esi Kozeba, Yoase, Sarafi ana babonga akento a Moabe yo Yasubi-lekeme. Mambu mama mankulu.* 23 Awaya i awumbi bakala muna Netaime ye Ngedera. I mûna bazingilanga yo sadila ntinu.

24 O wan’a Simeone:+ Nemuele, Yamini, Yaribi, Zera yo Saulu.+ 25 Salumi wawuta Mibesame, Mibesame wawuta Misema. 26 O wan’a Misema: Kamuele wa mwan’andi, Zaku wa mwan’andi yo Simei wa mwan’andi. 27 Simei wakala yo wan’amakala 16 ye wan’amankento a 6; kansi mpangi zandi ke bakala yo wan’amakala ayingi ko, ke mosi ko muna vumu yau wakala yo wan’ayingi nze Ayuda.+ 28 Bazingilanga muna Bere-seba,+ Molada,+ Kaza-suale,+ 29 Bila, Eseme,+ Tolade, 30 Betwele,+ Korema,+ Sikelange,+ 31 Bete-mankabote, Kasansusi,+ Bete-bire ye Saraimi. E zazi i mbanza zau yamuna luyalu lwa Davidi.

32 E mama i mavata mau: Etame, Aini, Rimone, Tokene, Asani,+ mavata matanu, 33 ye mavata mazieta mbanza zazi yakuna Bale. O twatu i tuvila twau ye fulu ina bazingilanga. 34 O Mesobabe, Yameleke, Yosa wa mwan’a Amaziya, 35 Yoele, Yeu wa mwan’a Yosebeya wa mwan’a Seraya wa mwan’a Asiele, 36 Eloenai, Yakoba, Yesokaya, Asaya, Adiele, Yesimiele, Benaya, 37 Ziza wa mwan’a Sifi wa mwan’a Alone wa mwan’a Yedaya wa mwan’a Simere wa mwan’a Semaya; 38 awaya bayikilu e nkumbu i ntu mia vumu yau, e nzo za mase mau zawokela mu lutangu. 39 Bayenda kuna fula dia Ngedo yakuna ndimba kuna este, mu vava madilu ma twelezi yau. 40 Basolola madilu mayingi ye mambote-mbote, e nsi yasanzuka yo vuvama. O wan’a Kami yau bateka mo zingila.+ 41 Muna lumbu ya Kizekeya wa Ntinu+ a Yuda, awaya basonekwa e nkumbu, bayiza tufakesa saba ya wan’a Kami ye esi Munimi ana bakala mo. Babafukisa emvimba yamu unu kiaki; bavinga muna fulu yau kadi madilu ma twelezi makala mo.

42 Akaka muna Anesimeone, 500 za wan’amakala, bayenda kuna Mongo a Seyire+ muna lutumu lwa wan’a Yisi: Pelateya, Nareya, Refaya yo Uziele. 43 Batufakesa nsadisw’a mintayila mia Aneyamaleke,+ bezingilanga kûna yamu unu kiaki.