Yobi
30 “Owau bansevele+
—Awana bena vo ibasundidi kimbuta,
Kiadi tonda ko vo mase mau
Bakala ye mbwa zina zayingilanga kambi diame.
2 Nkia mfunu zakala e ngolo za moko mau kwa mono?
E ngolo zau zavila.
3 Batovokele mu kuma kia mpasi ye nzala;
Bebukutanga ina basolwele muna nsi ayuma
Ina yafwasakana yo sala e nkatu.
4 Bevelanga makaya ma mungwa muna matiti;
Madia mau i mianzi mia mvanga;
5 Beyingwanga muna mavata;+
Wantu bekubakazilanga nze mwivi.
6 Bekalanga muna mbel’a ndimba,
Muna mawulu ye muna nduka mia matadi.
7 Bekazilanga vana vena nti miakete
Bekutakananga kuna nsi a mankundia.
8 Wau vo wan’a mazowa yo wan’a mpasi wantu,
Bayingilu* muna nsi.
12 Batelamene oku lunene lwame nga buka kia yimpumbulu;
Bantinisi
Basidi nkaku mia lufwasu muna nzil’ame.
14 Bekwizila nze muna mpwasi asanzuka muna yaka;
Bezidi muna kati kwa lufwasu.
15 Wonga umbakidi;
O zitu wame unatukini nze tembwa,
E vuvu kiame kia luvuluku kivididi nze tuti.
18 Muna kuma kia ngolo zasaka, o mvuatu ame ufwidi;*
Unzingalakene nze nsingu a kinkutu kiame.
19 Nzambi untubidi vana nteke;
Nkitukidi nze mbundukutu ye ntoto ampolo.
20 Nkazidi wansadisa, kansi kumpene mvutu ko;+
Ntelamene, kansi tala kaka okuntalanga.
21 Okitukidi se mbangiki kwa mono;+
Okundwanisanga muna ngolo za koko kwaku.
22 Unzangwidi yo kundata muna tembwa;
I bosi untubidi oku yakuna muna tembwa kiangolo.*
23 Kadi nzeye wo vo okumfila kuna lufwa,
Muna nzo ina wantu awonso bewananina.
24 Kansi, kavena muntu ko olenda nuanisa ndiona okosomokene*+
Ekolo kevavanga lusadisu muna ntangw’a mpasi.
25 Nga kiadila ko mu kuma ki’awana belwakilanga lumbu yampasi e?
Nga kiafwila* nsukami nkenda ko?+
26 Kana una vo mawete yavingilanga, e mbi yalwaka;
Ntemo yavingilanga, e tombe kialwaka.
27 E ngiangamu a ntim’ame ke ivuenene ko;
E lumbu yampasi indwakidi.
28 Nkangalele kuna lukendalalu;+ o mwini nkatu.
Ntelamene muna nkutakani, ndombele lusadisu.
29 Nkitukidi se mpangi a mbulu
Ye nkundi a wan’a seteleke.+
31 E kokolo kiame kia didila kaka,
E zú dia tûtu diame dia dilu kaka.