Nkunga

67 Nzambi okutufwila e nkenda yo kutusambula;

Otemesa ndose andi kwa yeto,+ (Sela)

 2 Kimana nzil’aku yazayakana muna nza yawonso,+

Mavangu maku ma luvuluzu mazayakana muna zula yawonso.+

 3 E Nzambi, yambula nkangu miakembelela;

Yambula nkangu miawonso miasanisina.

 4 Yambula zula yayangalala yo yengoloka ye kiese,+

Kadi ngeye ofundisila nkangu muna unsongi.+

 5 Yambula nkangu miakembelela, e Nzambi;

Yambula nkangu miawonso miakembelela.

 6 O ntoto uyima mbongo andi;+

O Nzambi, wa Nzambi eto okutusambula.+

 7 Nzambi okutusambula,

E nsuka zawonso za nza vumina zikumvumina.*+