Kimpovi

2 I bosi, mpovele omu ntim’ame vo: “Yambula yateza e kiese* yamona nluta ivua.” Kansi, ediadi mpe i mpavala kwandi.

 2 Mpovele mu kuma kia tusevo vo: “Ulau kwandi!”

Mu kuma kia kiese* vo: “Nkia mfunu kina?”

3 Yabaka nzengo za zaya kana nkia wete utukanga muna kuyivana muna vinyu,+ ekolo kiawonso yatatidilanga e ngangu zame; yabimba nkutu o uzowa yazaya kana nkia diambu disundidi o wete dina wantu balenda vanga muna lumbu yakete ya zingu kiau ova ntoto. 4 Yavanga salu yanene.+ Yayitungila zinzo;+ yayikunina mpatu za vinyu.+ 5 Yayivangila ntonga ye mpatu, yakuna mo e nti mia mpila zawonso miyimanga e bundu. 6 Yayitimina zinga ya maza mu yitidila maza muna mpatu ya nti miambote-mbote. 7 Yavua ntaudi zamakala ye zamakento,+ yakala ye ntaudi zawutukila muna nzo ame. Yavua mpe twelezi yayingi—ngombe ye mameme+—lutila awonso bampita muna Yerusaleme. 8 Yayilundila palata ye wolo,+ mavua ma* atinu ye ma mvivu.+ Yayikutakesela ayimbidi amakala ye amakento, kumosi ye diambu ditwasanga kiese kiayingi kwa wan’a wantu, i sia vo, nkento, elo, ulolo wa akento. 9 Ozevo, nkitukidi se muntu anene yo vioka awonso bampita muna Yerusaleme.+ E ngangu zame zikwamanene yame.

10 Kiayiyimina konso lekwa ko kina yazola.*+ Kiayimina ntima ame konso mpila kiese* ko, kadi o ntim’ame wayangalalanga mu kuma kia salu yame yawonso yangolo, owau wakala se mfutu ame* mu kuma kia salu yame yawonso yangolo.+ 11 Kansi, vava yayindula e salu yawonso yavanga o moko mame ye salu yawonso yangolo ina yafuntukina,+ yamona vo mambu mawonso i mpavala, i landa e tembwa;+ ke kwakala kana diambu dimosi ko diamfunu kikilu* oku nsi a ntangwa.+

12 I bosi, mvutwidi e sungididi kiame kwa ngangu yo ulau yo uzowa.+ (Kadi, adieyi kalenda vanga o muntu okwiza kuna nim’a ntinu? Dina kaka diateka vangwa kala.) 13 Yamona vo e ngangu zisundidi o uzowa,+ wauna o ntemo usundidi e tombe.

14 O nkwa ngangu una yo meso metoma monanga;*+ kansi o zowa mu tombe kekangalelanga.+ Yabakula mpe vo diau dimosi dibwilanga yau awonso.+ 15 I bosi, mpovele omu ntim’ame vo: “Dina dibwila o zowa i diau mpe dikumbwila.”+ Ozevo, nkia nluta mbakidi mu kala nkwa ngangu zayingi? Mpovele omu ntim’ame vo: “Ediadi mpe i mpavala kwandi.” 16 Kadi, o nkwa ngangu yo zowa ke besungamenua yakwele mvu ko.+ Muna lumbu ikwiza, yau awonso bevilakanua. Aweyi ufwila o nkwa ngangu? Wauna ufwila o zowa.+

17 Muna kuma kiaki mbengene e zingu,+ wau vo e salu yawonso ivangamanga oku nsi a ntangwa mbwenene yo vo yantokani kwandi,+ kadi mambu mawonso i mpavala kwandi, i landa e tembwa.+ 18 Mbengene mawonso mana yafuntukina oku nsi a ntangwa,+ wau vo isisa yawonso kwa muntu okundandila.+ 19 Nani ozeye kana vo nkwa ngangu kekala yovo zowa?+ Kansi, yandi osala ye lekwa yawonso ina yabakila muna mfuntu ye ngangu oku nsi a ntangwa. Ediadi mpe i mpavala kwandi. 20 Muna kuma kiaki, o ntim’ame wayantika kendalala mu kuma kia salu yawonso yangolo ina yafuntukina oku nsi a ntangwa. 21 Kadi, kana nkutu vo muntu ofuntukini ye salu, ofidilu kwa ngangu, kwa zayi yo umbangu, ovana yawonso kasadidi* kwa ndiona kasala yo kwandi ko.+ Ediadi mpe i mpavala ye sumbula kiampwena.*

22 Nki kieleka ketambulanga o muntu muna salu yandi yawonso yangolo ye loko dikufilanga mu* kuyifuntuna oku nsi a ntangwa?+ 23 Kadi muna lumbu yandi yawonso, e salu kiandi kitwasanga mpasi ye ntokani,+ kana nkutu muna fuku o ntim’andi ke uvundanga ko.+ Ediadi mpe i mpavala kwandi.

24 Ke vena diambu disundidi wete ko kwa muntu avo ke dia yo nua ko yo mona e kiese* muna salu kiandi kiangolo.+ Mbakwidi vo ediadi mpe va koko kwa Nzambi aludi ditukidi,+ 25 kadi nani otoma dianga yo toma nua lutila mono?+

26 Kwa muntu ona okunyangidikanga, Nzambi ovananga ngangu yo zayi ye kiese,+ kansi kwa nsumuki Nzambi ovananga salu kia kutika yo lunda kaka kimana kavana kwa ndiona oyangidikanga Nzambi aludi.+ Ediadi mpe i mpavala kwandi, i landa e tembwa.