Kimpovi
4 Mvutwidi diaka e sungididi kiame muna mavangu mawonso ma lubangamu oku nsi a ntangwa. Mbwene mansanga ma awana bebangikwanga, kansi ke bakedi yo mfiaulwisi ko.+ Abangiki au bakedi yo nkuma, vo i yau ke bakedi yo mfiaulwisi ko. 2 Idianu nsanisini wantu ana bafwa kala, ke mu awana bena o moyo ko.+ 3 Kansi, ona osundidi yau awole i ndiona kawutukidi ntete ko,+ ona kamwene ntete mavangu mambi ko mevangwanga oku nsi a ntangwa.+
4 Mbwene ngolo zayingi* ye salu kia umbangu utukanga muna kitantu kia muntu yo nkwandi;+ ediadi mpe i mpavala kwandi, i landa e tembwa.
5 O zowa ozinganga e moko mandi ekolo nitu andi ifwasukanga.*+
6 O vunda fiakete* kusundidi ke mu salu kiangolo* ko, kadi ediadi dina nze landa e tembwa.+
7 Mvutwidi e sungididi kiame mu nona kiankaka kia mpavala oku nsi a ntangwa: 8 Vena yo muntu una yandi mosi kaka, kena yo nkwandi ko; kena yo mwana ko ngatu mpangi, kansi e salu yandi yawonso yangolo ke ina nsuka ko.+ O meso mandi ke meyukutanga umvuama ko. Kansi, nga okukiyuvulanga: ‘Mu kuma kia nani ifuntukinanga yo kuyiyimina* e lekwa yambote’?+ Ediadi mpe i mpavala ye salu kiampasi.+
9 O wantu wole basundidi muntu mosi,+ kadi bena yo mfutu ambote* muna salu kiau kiangolo. 10 Kadi avo mosi muna yau obwidi, wankaka olenda sadisa o nkwandi katelama. Kansi, adieyi divangama kwa ndiona obwidi ye kena ye ona untelamesa ko?
11 Vana ntandu, avo nwole balele kumosi, omosi oyandula o nkwandi, kansi o mosi kaka aweyi kekuyiyandulwila? 12 O muntu olenda sunda ndiona wina yandi mosi kaka, kansi o nwole balenda kuntelamena. E ngonzi ya nsinga tatu miasietwa ke ilendi zatunua mu nzaki ko.
13 O toko una vo nsukami kansi nkwa ngangu osundidi o ntinu+ una vo nunu kansi zowa, ona kena diaka ye ngindu zasikila ko mu wá lulukisu.+ 14 Kadi oyandi* ovaikidi muna pelezo kakituka se ntinu,+ kana una vo nsukami kawutuka muna kintinu kia ntinu ndioyo anunu.+ 15 Mbadikidi awonso bena o moyo, ana bekangalanga oku nsi a ntangwa ye dina divangamanga kwa ntinu una vo toko, ona ovinga vana fulu kia nkwandi. 16 Kana una vo ulolo wa wantu bekunyikamanga, awana belanda ke bekunyangalela ko.+ Ediadi mpe i mpavala kwandi, i landa e tembwa.