Kimpovi

6 Vena ye sumbula kiankaka* mbwene oku nsi a ntangwa, edi ditoma vangamanga vana vena wantu: 2 O Nzambi aludi ovene kwa muntu umvuama yo nkembo, kimana kalembi kondwa konso kina kazolele;* kansi o Nzambi aludi kanyambwidi ko kamwena wo e kiese, kana una vo nzenza olenda wo mwena e kiese. Ediadi i mpavala ye mpasi zayingi. 3 Avo yakala owutidi nkama wana yo zinga mvu miayingi yo nuna, kansi kasidi* mona kiese ko muna lekwa yandi yambote vitila kenda muna ziami,* mpovele vo mwana owutukidi wafwa unsundidi o wete.+ 4 Kadi mwana ndioyo nkatu kwandi kezidi yo kwenda muna tombe, e tombe kifukidi e nkumbu andi. 5 Kana una vo kasidi mona ntangwa ko ngatu zaya konso lekwa, mwana ndioyo osundidi o wete* ke mu yakala diodio ko.+ 6 Nkia nluta wina muna zinga mafunda mole ma mvu lembi mona e kiese? Nga awonso ke fulu kimosi ko bekwendanga e?+

7 E salu yawonso yangolo kesalanga o muntu i mu kuma kia nu’andi;+ kansi e nsatu andi a dia ke ifokokanga ko.* 8 Kadi aweyi o nkwa ngangu kasundidi o zowa,+ yovo nkia mfunu dina avo nsukami ozeye una kafwete natina e zingu?* 9 O yangalela ina imonanga o meso disundidi o wete ke mu landa e zolela ko. Ediadi mpe i mpavala kwandi, i landa e tembwa.

10 Yawonso ina owau yavewa kala e nkumbu ye dizayakene mpe vo muntu i nki; o muntu kalendi nuana* ko yo ndiona unsundidi o nkuma. 11 Avo mvovo miayingi,* mambu mampavala mpe mayingi; nkia luta mitwasa kwa muntu? 12 Nani ozeye e diambu diambote kafwete vanga o muntu muna lumbu yandwelo ya zingu kiandi kiankufi,* eyi iviokanga nze kini?*+ Kadi nani olenda zayisa o muntu mana mevangama oku nsi a ntangwa vava kefwa kwandi?