Nkung’a Solomo
1 O nkunga usundidi e nkunga miawonso,* una vo wa Solomo:+
3 E nsunga za mazi maku zambote.+
E nkumbu aku ina nga mazi mansunga mayitilu vana ntu.+
Kiaki i kuma e ndumba bekuzolelanga.
4 Undata;* twatikuna kumosi.
O ntinu unkotese muna masuku mandi!
Yambula twayangalala yo mona e kiese kumosi.
Yambula twakembela* e mvovo miaku mianzola, emi misundidi e vinyu o wete.
Ke nkatu ko oyau* bekuzolelanga.
5 E wan’amakento a Yerusaleme, omono i ndombe kwame, kansi i mote,
6 Nuyambula kuntungununa wau mpiukidi,
Kadi o mwini umpiukisi.
O wan’amakala a ngudi ame bamfungidi o makasi;
Bansidi se nyingidi a mpatu za vinyu,
Vo i mpatu ame a vinyu, kilendele yo yingila ko.
Akweyi okubavundisilanga muna midi?
Ekuma mfwete kadila nga nkento uyifukidi e fukwa*
Vana vena makambi ma akundi aku?”
8 “E ndumba isundidi o wete, avo kuzeye ko,
Landa e ntambi za kambi
Yo vungulwila wan’aku a nkombo vana ndambu a saba ya avungudi.”
9 “E nzolw’ame, itezanese yo mvalu* ankento vana vena makalu ma vita ma Faro.+
10 Mabundi maku mambote-mbote avo ovuete nlunga,*
E nsingu aku avo ovuete nsanga.
11 Tukuvangila nlunga miawolo*
Mialamikwa matadi makete-kete ma palata.”
13 Kuna kwa mono, o nzolw’ame una nga finkutu fia mô+ ansunga
Ina ilekanga vana kati kwa mayene mame muna fuku.
15 “U mote kikilu, e nzolw’ame.
U mote. Meso maku mena nga meso ma mayembe.”+
16 “Ongeye u mote, e nzolw’ame, wavienga kikilu!+
E mfulu eto ya makaya mankunzu.
17 E miangu mia nzo eto* mia nti mia nsedele,
E mvuambu zeto za nti mia sipelese.