Nkung’a Solomo
6 “O nzolw’aku akweyi kele,
E ngeye osundidi akento akaka o vienga?
Akweyi kalende o nzolw’aku?
Yambula twenda yaku, twamvava.”
2 “O nzolw’ame okulumukini kuna mpatu andi,
Kuna nkala mia nti miansunga,
Wele vungula vana vena zimpatu
Yo vela e lenge-lenge.+
3 Omono i wa nzolw’ame,
O nzolw’ame i wame.+
Oyandi ovungulwilanga e kambi vana vena e lenge-lenge.”+
4 “Ongeye u mote nga Tiresa,*+ e nzolw’ame,+
U mote nga Yerusaleme,+
Wavienga nga buka ya makesa izungidi e sinsu yau ya nsi.+
5 Katula meso maku+ oku ngina,
Kadi ntim’ame medudisanga.
E nsuki zaku zina nga kambi dia nkombo
Dikulumukanga e miongo mia Ngiladi.+
6 O meno maku mena nga kambi dia mameme
Metombokanga tuka kuna mele sukulwilwa,
Mawonso ye mapasa mau,
Ke mosi ko ovidisi o mwan’andi.
7 Nga ndambu a nganata*
I una wina mabundi maku kuna nsi a fukwa kiaku.
8 Kana nkutu vakedi 60 ma atinu ankento
80 lwa makangu
Ye ndumba zilembi tangakana,+
9 Mosi kaka i yembe diame+ diakondwa e fu.
Yandi i mwana mosi kaka angudi andi.
Yandi osundidi o zolwa* kwa ndiona wanwuta.
O wan’amakento bamwene, banyikidi vo nkwa kiese;
Atinu akento ye makangu bansanisini.
10 ‘Nkia nkento ndioyo okezimanga* nga kia kwa kûma,
Mote nga ngonde yalunga,
Wavelela nga ntemo a ntangwa,
Wavienga nga buka ya makesa izungidi e sinsu yau ya nsi?’”+
11 “Nkulumukini kuna mpatu a nti miwutanga e bundu*+
Mu tala ina imenene muna ndimba,
Mu tala kana vo nsing’a vinyu umenene,*
Kana vo e nti mia nganata* mivaikisi e mvuma.
13 “Vutuka, vutuka, e Nsulami!
Vutuka, vutuka,
Kimana twatala!
“Ekuma nutadilanga Nsulami yo sivika?”+
“Oyandi una nga makinu ma ndo zole!”*