Nkung’a Solomo
7 “Ekwe o wete wa tambi yaku muna nsampatu,
E mwan’ankento a zitu!
Mabuku-buku* maku mambote-mbote nga nsanga mia viengesela nitu,
Salu kia moko kia nkwa umbangu.
2 O nkumb’aku i mbungwa yazietomoka.
Ina ke ikondwanga vinyu ko.
E vumu kiaku i kunku kia witi,
Kiazungwa kwa lenge-lenge.
3 E mayene maku mole mena nga wana wole a mvanda,
Nga mapasa ma nsesi.+
4 E nsingu aku+ ina nga nzo yandá ya meno ma nzamba.+
O nzunu aku una nga nzo yandá ya Lebanone,
Eyi italanene ye Damaseke.
5 O ntu aku una nga mongo a Kamele,+
E nzinga za nsuki zaku+ zina* nga nlele a mika mia se kia nduwa.+
O ntinu obakamene* muna nzinga za nsuki zaku zivevomokanga.
6 Kieleka u mote, wavienga kikilu,
E ndumb’a nzolwa, olutidi e ma yawonso yantomo!
7 O ntel’aku una nga ba,
O mayene maku mena nga kangi kia bundu ya dinsongwa.+
8 Mpovele vo: ‘Manta imanta kuna ba
Yasimba e nsinga mia bundu yandi.’
Yambula mayene maku makala nga kangi kia uva,
E fulumwinu kiaku kiakala nga mazi mansunga ma pome,
9 O nu’aku* nga vinyu isundidi o wete.”
“Yambula yalelomoka kuna kwa nzolw’ame,
Yakukula malembe vana befo ya awana balele.
10 Omono i wa nzolw’ame,+
E tima diandi kwa mono dina.
12 Yambula twasikama muna mene yo kwenda kuna mpatu za vinyu
Mu tala kana vo nsing’a vinyu umenene,*
Kana vo e mvuma ziziukidi,+
I kûna ikusongela e nzol’ame.+
13 E mandrangore+ mamweng’e nsunga zandi zambote;
Vana mwelo eto vena ye mpila zawonso za bundu isundidi o wete.+
Yampa ye yankulu,
E nzolw’ame, ilundidi yo.