Yesaya
34 Oyeno azula, nufinama nuawá,
Oyeno minkangu, nusia e sungididi.
Yambula o ntoto ye yawonso izele mo yawá,
O ntoto ye mbongo andi yawonso.
Fwasa kekubafwasa;
Okubayekola bavondwa.+
3 O wantu au ana bavondelo vetwa bevetwa,
E nsudi a mavimbu mau itomboka;+
4 E vu kiawonso kia zulu kiwola,
E zulu dizingwa nze nkanda.
E vu kiau kiawonso kia makesa kilengela,
Wauna lukaya lwa nsing’a vinyu lulengelanga yo sotoka
Wauna e bundu kiayuma kia nsanda kisotokelanga.
5 “Kadi kuna zulu, o nsosolo ame uyondalala.+
Ukulumuka muna Edome mu fundisa,+
Kwa wantu ana yabakila nzengo za kubafwasa.
6 Yave una ye nsosolo; o nsosolo uzala yo menga.
Kadi Yave okubikidi kimenga kuna Bozera,
Mu vonda wantu ayingi muna nsi ya Edome.+
7 E ngombe za mfuta zivondwa kumosi yo yau,
O wan’a ngombe ye akwa nkuma.
E nsi au izala yo menga,
E mbundukutu au izala yo mazi.”
8 Kadi Yave ovuidi lumbu kia landa e kunda,+
Mvu wa landa e kunda mu kuma kia mbi yavangwa kwa Zione.+
9 E nkoko miandi* mia maza mikituka se dimbu,
E mbundukutu andi ikituka se lengo,
E nsi andi ikituka se dimbu andombe uvianga.
10 Muna fuku yovo muna mwini ke uzima ko;
O mwisi andi ukwamanana tomboka yakwele mvu.
Yafwasuka ikala muna mbandu ke mbandu;
Muna yandi ke musinga viokela muntu ko yakwele mvu.+
11 E lembe yo ngulu-ngumba* bevua yo,
Mafungu ye ngono bezingila mo.
Nzambi oteza e nsi yayi muna nsing’a tezela ye muna tadi dia tezela* mu songa
Vo e nsi nkatu isala yo kondwa o mfunu.
12 Ke mosi ko muna wantu andi a zitu okituka se ntinu,
E mfumu zandi zawonso vila zivila.
13 E mvanga mimena muna nzo zandi zandá zangolo,
Nti mia nsende ye nkeka za mfinda zimena muna tumbu twandi twangolo.
Ikituka se bubameno dia mbulu,+
Se fulu kia zingila kia seteleke.
14 E bulu ya makanga iwanana ye bulu iwokanga,
E nkombo a mfuta* ibokela nkwandi.
Elo, i mûna e nuni za fuku zizingila yo solola e fulu kia vundila.
15 E nioka ivumanga o mete i mûna izingila yo lozela maki,
Iteta o maki yo kutika o wana muna kubatanina.
Elo, i mûna mukutakana e nuni zambaki, konso nuni yo nkwandi.
16 Nuvava muna nkand’a Yave yo tanga mu nding’angolo:
Ke mosi ko muna yau okondwa;
Ke mosi ko muna yau okondwa o nkwandi,
Kadi o nu’a Yave usidi o nkanikinu,
Ye mwand’andi ubakutakese vamosi.
17 Yandi wabatela e nkas’a mienze,
O koko kwandi kwateza e fulu kiakubikwa mu kuma kiau.*
Oyau bevua yo yakwele mvu;
I mûna bezingila muna mbandu zawonso.