Yesaya
64 Ekwe kele vo otiazuna e zulu yo kulumuka,
Kimana e miongo miazakama mu kuma kiaku,
2 Wauna o tiya tuyokelanga e minga miayuma,
Wauna o tiya tuyidisilanga o maza!
Ozevo, e mbeni zaku bezaya e nkumbu aku,
E zula izakama vana ndose aku!
3 Vava wavanga mambu masivi mana ke twayindulanga ko,+
Ongeye wakulumuka, e miongo miazakama vana ndose aku.+
4 Kadi tuka kuna nz’ankulu ke muntu mosi ko owidi yovo tamba o matu,
Ngatu e disu diandi diamona Nzambi ankaka, avo ke ngeye ko,
Ona ovanganga e diambu muna wete dia awana bekumbundanga e vuvu.+
5 Ongeye wayiza sadisa awana beyangalelanga vanga o mambu ma unsongi,+
Awana bekuyindulanga yo landa e nzila zaku.
Kansi, ekolo twakwamanana sumuka, ongeye wafunga o makasi,+
Twavanga wo mu kolo kiayingi.
Nga owau twafwana vuluzwa?
6 Yeto awonso tukitukidi nga muntu wafunzuka,
O mavangu meto mawonso ma unsongi makitukidi nga tenda kia nkento una ku ngonde.+
Yeto awonso tulengela nga lukaya,
O bi weto ukutuvevomona nga tembwa.
7 Ke mosi ko oyikanga e nkumbu aku,
Ke mosi ko osianga e ngolo za kutatidila,
Kadi ongeye utuswekele e ndose aku,+
Yo kututandisa* mu kuma kia bi weto.
8 Kansi owau, e Yave, ongeye i Se dieto.+
9 E Yave, kufungi makasi masaka ko,+
Ngatu sungamena o bi weto yakwele mvu.
Dodokolo, sungamena vo yeto awonso tu nkangu aku.
10 E mbanza zaku zavauka zikitukidi se makanga.
E Zione i kitukidi se makanga,
E Yerusaleme isidi e nkatu.+
11 E nzo* eto avauka ye ya nkembo,*
Ina mase meto bavaninanga o nkembo kwa ngeye,
Iyokelo muna tiya,+
E lekwa yeto yawonso twayangalelanga ifwasukidi.
12 E Yave, muna mambu mama mawonso, nga okwamanana kanga o ntima?
Nga okwamanana dingalala yo kutuyambula vo twamona e mpasi ziviokele tezo?+