Yeremiya
31 “Muna ntangwa yayina,” u kavovele o Yave, “Ikala se Nzambi kwa makanda mawonso ma Isaele, oyau bekala se nkangu ame.”+
2 I wau wuwu kavovele o Yave:
“O nkangu uvukidi muna nsosolo, bavuidi e dienga muna makanga
Vava Isaele kayendanga kuna fulu kiandi kia vundu.”
3 Yave omonekene kwa mono tuka kuna kwandá oku vo:
“Omono izolele nzola ya mvu ya mvu.
Kiaki i kuma ituntidi kwa mono muna walakazi wame.*+
4 Ikutungulula diaka, ongeye otungululwa.+
6 Kadi vekwiza e lumbu kina ayingidi muna miongo mia Eferaime bekaza, oku vo:
‘Nutelama, twatomboka kuna Zione, kuna kwa Yave wa Nzambi eto.’”+
7 Kadi i wau wuwu kavovele o Yave:
“Nuyimbila ye kiese kuna kwa Yakobo.
Nuyengoloka ye kiese kadi yeno nusundidi e zula.+
Nusamuna dio; nukembela yo vova vo:
‘E Yave vuluza nkangu aku, ana basala muna Isaele.’+
8 Ikubatwasa diaka tuka kuna nsi ya node.+
Ikubakutakesa tuka muna nsuka za nza.+
Vana kati kwau vekala ye mpofo ye mbevo za malu,+
Akento ayimita ye awana se bewuta, yau awonso kumosi.
Se nkutakani anene, bevutuka ovava.+
9 Bekwiza ye dilu.+
Ikubafila vava bekundodokela.
Ikubafidila muna nkoko mia maza,+
Muna nzila yalelama ina ke ikubatesesa sakuba ko.
Kadi mono i Se kuna kwa Isaele, Eferaime i mwan’ame antete.”+
10 Nuwá diambu dia Yave, e zula
Nusamuna dio muna sanga ina kwandá:+
“Ndiona wamwanganesa Isaele okubakutakesa.
Okubatanina nze una mvungudi ketaninanga kambi diandi.+
12 Oyau bekwiza ye kiese vana mbat’a Zione+
Beyangalela o wete wa* Yave,
Mbwaza ye vinyu yampa+ yo mazi,
Yo wan’a mameme ye ngombe.+
13 “Muna ntangwa yayina, e mienze bekina ye kiese,
Kumosi ye matoko ye ambuta.+
Ikitula dilu kiau se kiese.+
Ikubafiaulwisa yo kubavana e kiese vana fulu kia ntantu.+
15 “I wau wuwu kavovele o Yave:
‘Ndinga iwakananga muna Rama,+ yayana ye dilu kiayingi:
16 I wau wuwu kavovele o Yave:
“‘Yambula dila, kunguna mansanga muna meso maku,
Kadi vena yo nsendo muna salu kiaku,’ u kavovele o Yave.
‘Bevutuka tuka kuna nsi ya mbeni.’+
17 ‘Vena ye vuvu mu kuma kia zingu kiaku kuna ntwala,’+ u kavovele o Yave.
‘O wan’aku bevutuka kuna zunga kiau.’”+
Umputulwisa, omono ivutuka vana vau,
Kadi ngeye i Yave wa Nzambi ame.
Yamona e nsoni yo vezwa,+
Kadi yanatanga lusembo lwa kileke kiame.’”
20 “Nga Eferaime ke mwan’a mfunu ko kwa mono e? Nga ke mwan’anzolwa ko e?+
Kadi vava itoma kumvovelanga e mbi, itoma kunsungamenanga.
I dianu ngiangamene ntima* muna yandi.+
Ikumfwila kikilu e nkenda,”+ u kavovele o Yave.
21 “Telamesa dimbu muna nzila,
Sia mo sinsu.+
Sia sungididi muna nzila, muna nzila ina ofwete kwendela.+
Vutuka, e mwenze a Isaele, vutuka muna mbanza zaku.
22 Yamu nkia kolo okatikisa, e mwan’ankento wakondwa kwikizi?
Kadi Yave ovangidi lekwa kiampa ova ntoto:
Nkento mosi ovava yakala ye fululu kiawonso.”
23 I wau wuwu kavovele o Yave a vu, wa Nzambi Isaele: “Bevova diaka e mvovo miami muna nsi a Yuda ye muna mbanza zandi vava ivutulwisa abakami au: ‘Yambula Yave kasambula, e nzo ya unsongi,+ e mongo avauka.’+ 24 Mwamuna, e Yuda ye mbanza zandi, awonso bezingila kumosi, avati a nsengo ye awana befilanga makambi.+ 25 Kadi iyukutisa ona oyoyele yo dikila konso ona obwidi mfun’a nzala.”+
26 Muna kuma kiaki, nsikamene, ntemwene meso, tulu twambote kikilu yaleka.
27 “Nutala! E lumbu ifinamene,” u kavovele o Yave, “ina iwokesa awana bena muna nzo a Isaele ye awana bena muna nzo a Yuda. Wokesa iwokesa mpe twelezi yau.”+
28 “Nze una yabatadila kimana yavuza, yawula, yafwasa, yakosomona, yamwesa e mpasi,+ i una ikubatadila kimana yatunga, yakuna,”+ u kavovele o Yave. 29 “Muna lumbu yayina ke bevova diaka ko vo: ‘O mase i badidi uva zina e ngani, kansi meno ma wana i mena ngani.’*+ 30 Kansi konso muntu ofwila muna sumu diandi. Ndiona odia bundu ya uva za ngani, yandi omona ngani muna nua.”
31 “Nutala! Muna lumbu ikwiza” u kavovele o Yave, “ikanga kangu diampa ye nzo a Isaele ye nzo a Yuda.+ 32 Ke dikala ko nze kangu dina yakanga yo mase mau muna lumbu kina yabasimba muna moko yo kubavaikisa muna nsi a Engipito,+ ‘kangu diame dina bakulula+ kana una vo mfumu au kikilu yakala,’* u kavovele o Yave.”
33 “Kadi ediadi i kangu ikanga ye nzo a Isaele vava kivioka e lumbu yayina,” u kavovele o Yave. “Isia nsiku ame muna nsi au a mbundu+ yo soneka wo muna ntima miau.+ Omono ikala Nzambi au, oyau bekala nkangu ame.”+
34 “Ke vena muntu ko olonga diaka nkwandi yovo mpangi andi, oku vo: ‘Zaya Yave!’+ Kadi yau awonso bekunzaya, tuka muna nleke yamuna mbuta,”+ u kavovele o Yave. “Kadi iloloka vilwa wau, o masumu mau kiyindula mo diaka ko.”+
35 I wau wuwu kavovele o Yave,
Ndiona ovaikisanga e ntangwa muna temesa o mwini,
E nsiku mia ngonde ye ntetembwa muna temesa o fuku,
Ndiona otungianisanga kalunga yo nikuna mavuku mandi,
Ndiona una ye nkumbu vo Yave a vu:+
36 “‘Avo e nsiku miami miadi funga,’ u kavovele o Yave,
‘Ozevo, e mbongo a Isaele ke yadi kala diaka zula ko vana ndose ame yakwele mvu.’”+
37 I wau wuwu kavovele o Yave: “‘Avo e zulu kuna ntandu dilenda tezwa, e nkubilwa za ntoto kuna nsi zilenda fimpakana, ozevo ibembola mbongo yawonso ya Isaele mu kuma kia mawonso mana bavangidi,’ u kavovele o Yave.”+
38 “Nutala! E lumbu mu lwaka se ina,” u kavovele o Yave, “vava Yave ketungilwa e mbanza+ tuka kuna Nzo Yandá ya Kananele+ yakuna Vitu dia Konko.+ 39 E nsing’a tezela+ ulambulwa yakuna mongo a Ngarebe, uzietomoka yakuna Ngowa. 40 O ndimba wawonso wa mavimbu ye wa ntoto ampolo ye mpatu yakuna Ndimb’a Kiderone,+ elo, yakuna konko kia Vitu dia Mvalu+ yakuna este, ikituka se lekwa yavauka kuna kwa Yave.+ E mbanza ke ivuzwa diaka ko ngatu bangulwa.”