Osea
14 “E Isaele, vutuka kwa Yave wa Nzambi aku,+
Kadi mu kuma kia bi waku obwididi.
2 Nuvutuka kwa Yave,
Numvovesa vo: ‘Loloka o bi weto,+ tambulwila dina diambote,
Tukuvana lukau lwa lusanisinu lwa befo yeto+ nga wan’a ngombe.*
3 Asuri ke kutuvuluza ko.+
Ke tukwendela muna mvalu ko,+
Ke tuyikila diaka salu kia moko meto ko vo: “E Nzambi eto!”
Kadi ngeye ofwilanga munkondwa se* nkenda.’+
4 Sasula isasula kondwa kwau kwa kwikizi.+
5 Ikala nze lowa kwa Isaele;
Osakumuka nze mvuma za lengelenge
Yo sayanesa mianzi muna sina nze nti mia Lebanone.
6 E tayi yandi iyalangana,
O wete wandi ukala nze wa olive,
E nsunga zandi nze za Lebanone.
7 Bekala diaka kuna nsi a viozi kiandi.
Bekuna masa yo sayana nze nsing’a vinyu.+
Ozayakana* nze vinyu a Lebanone.
8 Eferaime ovova vo: ‘Nkia diambu diaka ngina diau ye teke?’+
Ikumvana e mvutu yo kunlunga-lunga.+
Ikala nze nti uyikilwanga vo sipelese wavuembeta.
E mbongo eno kwa mono ituka.”
9 Nani i nkwa ngangu? Yambula kabakula mambu mama.
Nani i nlungaladi? Yambula kazaya mo.