Osea
9 “E Isaele, kuyangalela ko,+
Ngatu mona e kiese nze minkangu.
Kadi ovavukidi Nzambi aku muna zumba yaku.+
Ozolele mfutu wa kinkembi muna mabundilu mawonso ma masa.+
2 Kansi, e bundilu dia masa ye kaminu dia vinyu ke dikudikila ko,
E vinyu yampa ikutwasila lukendalalu.+
3 Ke bekwamanana zingila muna nsi a Yave ko;+
Eferaime ovutuka kuna Engipito,
Kuna Asuri, bedia lekwa yafunzuka.+
Ina nze mbolo za lufwa;
Awonso ana bedianga zo befunzuka.
Kadi e mbolo zau, za yau kibeni kaka;
Ke zikoteswa muna nzo a Yave ko.
5 Adieyi nuvanga muna lumbu kia lukutakanu,
Muna lumbu kia nkinzi a Yave?
6 Tina betina mu kuma kia lufwasu.+
Engipito ikubakutakesa,+ e Memfi ikubazika.+
E nsende zizingalakana lekwa yau yantalu ya palata,
E nkeka za mfinda zimena muna saba yau.
O ngunz’au okituka se zowa, muntu ovovanga vo wavumunuinua olauka;
Wau vo o bi waku wayingi,
e kimbeni osiwa kiayingi.”
8 O nyingidi+ a Eferaime okedi ye Nzambi ame.+
Kansi, e nzila zawonso za ngunza zandi+ zina nze ntambu mia mbaki a nuni;
Kimbeni kina muna nzo a Nzambi andi.
9 Bakivene mvimba muna mavangu ma lufwasu nze muna lumbu ya Ngibeya.+
Oyindula bi wau yo kubatumba muna masumu mau.+
10 “Vava yasolola Isaele, diakala nze mono nsolwele uva muna makanga.+
Yamwena mase meno nze bundu yantete ya nsanda.
Kansi, oyau bayenda kwa Bale-Peo;+
Bakiyekola muna lekwa kiansoni,*+
Bakituka se angemi nze lekwa kia nzolw’au.
11 O nkembo a Eferaime utilumukini nze nuni;
Ke beyimita ko ngatu wuta.+
12 Kana nkutu basansidi wana,
Ikubakatula vana bena yavana ke vesala muntu ko;+
Elo, tâtu kwa yau vava ikubavavuka!+
13 Eferaime wakunua muna madilu, oku kwa mono wakala nze Turo;+
Owau Eferaime kafwete twasa wan’andi bavondwa.”
14 E Yave, ubavana kina ofwete kubavana;
Vumu kisululanga ye ntulu zayuma.
15 “E mbi au yawonso yakala muna Ngilengale,+ kadi i kuna yayantikila kubamenga.
Yinga ikubayinga muna nzo ame mu kuma kia mavangu mau mambi.+
Kikubazola diaka ko;+
Mfumu zau zawonso akwa ntima mia mbâdi.
16 Eferaime wandwa kewandwa.+
E mianzi miandi yuma miyuma, ke beyima kana mbongo imosi ko.
Kana nkutu bawutidi wana, o wan’au vonda ikubavonda.”