Zakariya

3 I bosi, unsongele Yosua+ wa ngang’ambuta otelamene vana ndose a mbasi a Yave, Satana+ mpe otelamene kuna koko kwandi kwalunene kimana kantelamena. 2 I bosi mbasi a Yave ovovese Satana vo: “E Satana, yambula Yave kasemba,+ elo, Yave ona wasola Yerusaleme+ yambula kasemba! Nga muntu ndioyo ke sisi kia tiya ko kikatwilu vana tiya?”

3 Yosua ovuete nlele mia mvindu, otelamene vana ndose a mbasi. 4 Mbasi ovovese awana batelamene vana ndose andi vo: “Nukatula mvuatu miandi mia mvindu.” I bosi umvovese vo: “Tala, nkatwidi e mbi ina muna ngeye, ovuikwa mvuatu mia nkembo.”+

5 Mpovele vo: “Yambula bansia e banda kiavelela vana ntu andi.”+ Bansidi e banda kiavelela vana ntu ye kumvuika mvuatu; mbasi a Yave otelamene vana ndambu andi. 6 I bosi mbasi a Yave ovovese Yosua vo: 7 “I wau wuwu kavovele o Yave a vu: ‘Avo okangalela muna nzila zame yo lungisa mbebe zaku ova ndose ame, okala se mfundisi muna nzo ame+ yo lunga-lunga* yanzala yame; ikuyambula walwaka ova ndose ame kumosi ye awaya batelamene vava.’

8 “‘Dodokolo, wá, e Yosua wa Ngang’ambuta, ngeye ye akwaku ana bavuende vana ndose aku, kadi wantu awaya bena nze sinsu; itwasa selo kiame+ oyikilwanga vo Ntombo.+ 9 Nutala e tadi nsidi vana ndose a Yosua! E tadi diadi dina ye meso nsambwadi; nsonekene mo e sono,’ u kavovele o Yave a vu, ‘muna lumbu kimosi ikatula e sumu dia nsi yayi.’+

10 “‘Muna lumbu kiakina,’ u kavovele o Yave a vu, ‘konso muntu mu yeno obokela nkwandi keza kuna nsi a nsing’andi a vinyu ye kuna nsi a nsand’andi.’”+