Nsiku

34 I bosi, Mose otombokele tuka muna makanga ma Moabe, wele kuna Mongo a Nebo,+ kuna mbat’a Pisenga,+ ina mantalani ye Yeriko.+ Yave unsongele nsi yawonso, tuka kuna Ngiladi yakuna Dani,+ 2 ye Nafetali yawonso ye nsi a Eferaime ye Manase, e nsi yawonso ya Yuda yakuna mbu a weste,*+ 3 ye Nengebe+ yo Mvivu,+ kumosi yo ndimb’a Yeriko, e mbanza maba yakuna Soare.+

4 I bosi, Yave umvovese vo: “Eyayi i nsi ina yadila e ndofi kwa Abarayama, Isaki yo Yakobo, oku vo: ‘Kwa mbongo aku ivana yo.’+ Isongele yo wamona yo muna meso maku, kansi kusauka ko ko.”+

5 I bosi, Mose wa selo kia Yave ofwididi kûna, muna nsi ya Moabe wauna o Yave kavova.+ 6 Oyandi* unzikidi muna ndimb’a nsi ya Moabe, mantalani ye Bete-peo, yamu unu kiaki ke vena muntu ko ozeye vana vena e ziami kiandi.+ 7 Mose kimbuta kia mvu 120 kakala kiau vava kafwa.+ Meso mandi ke mafwa nkutu ko, kavidisa mpe nkum’andi ko. 8 O nkangu a Isaele udididi Mose muna makanga ma Moabe mu lumbu 30.+ I bosi, e lumbu ya dilu mu kuma kia Mose ifokokele.

9 Yosua wa mwan’a Nuni wazala yo mwand’angangu, kadi o Mose wanyambika o koko kwandi;+ Aneyisaele bayantikidi kunwila, bavangidi wauna Yave kakanikina Mose.+ 10 Kansi, muna Isaele ke musidi bundumuka diaka ngunza ko ofwanane yo Mose,+ ona Yave kazaya mantalani.+ 11 Oyandi wavanga sinsu ye masivi mawonso mana Yave kantuma vo kavanga muna nsi ya Engipito, kwa Faro ye selo yandi yawonso ye nsi andi yawonso,+ 12 Mose wasonga mpe koko kwankuma yo nkum’a sivi vana meso ma Isaele yawonso.+