Yosua
20 Yave ovovese Yosua vo: 2 “Vovesa Aneyisaele vo, ‘Nusola mbanza za tinina+ zina yanuzayisila muna Mose, 3 mpasi vo mumponda-muntu, ona ovondele muntu lembi wo kana yovo muna sumbula, katinina mo. Zikala se tininu dieno mu kuma kia nlandi a kunda kia menga.+ 4 O mumponda-muntu kafwete tinina muna mbanza mosi,+ katelama vana vitu dia mbaza,+ kasamuna diambu diandi kwa akuluntu a mbanza. Akuluntu bantambula muna mbanza yo kumvana fulu kakala yau. 5 O nlandi a kunda kia menga, avo unlakamene, ke bafwete yekola mumponda-muntu vana koko kwandi ko, kadi kavondele nkwandi ku lukanu ko, katekele kumenga ko.+ 6 Mumponda-muntu kafwete kala muna mbanza yayina yavana kefundiswa vana vena e nkutakani,+ okala mûna yavana kefwa o ngang’ambuta+ ona okala mu salu muna kolo kiakina. I bosi, o mumponda-muntu ovutuka kuna mbanza ina katuka, okota muna mbanz’andi, muna nzo andi.’”+
7 Bavawidi Kedese+ kuna Ngalili, kuna zunga kia miongo mia Nafetali, Sekeme,+ muna zunga kia miongo mia Eferaime, Kireyate-araba,+ i sia vo, Kerebone, muna zunga kia miongo mia Yuda. 8 Kuna zunga kia Yodani kuna este a Yeriko, basolele Bese+ muna makanga, vana nzanza muna kanda dia Rubeni ye Ramote+ muna Ngiladi muna kanda dia Ngadi, ye Ngolane+ muna Basani muna kanda dia Manase.+
9 Ezazi i mbanza zakubikilwa Aneyisaele awonso ye nzenza bekalanga yau, kimana konso ona ovondele muntu lembi wo kana, katinina mo,+ kalembi fwila vana koko kwa nlandi a kunda kia menga yavana kefundiswa vana vena e nkutakani.+