Wantete wa Samuele

5 Vava Afelesetia bakutumwini Nkel’a+ Nzambi aludi, bakatwidi yo kuna Ebeneza, banete yo kuna Asedode. 2 Afelesetia babongele Nkel’a Nzambi aludi, bakotese yo muna nzo* a Dangone, basidi yo vana ndambu a Dangone.+ 3 Esi Asedode vava basikamene muna mene-mene, bamwene Dangone obwidi mambukama vana vena Nkel’a Yave.+ Babongele Dangone, bamvutwidi vana fulu kiandi.+ 4 E lumbu kialanda, vava basikamene muna mene-mene, Dangone obwidi mambukama vana vena Nkel’a Yave. O ntu a Dangone ye moko mavuidi bukuka yo bwa vana nkaku a mwelo. E ndambu ina yakala nze mbizi a maza, i yau kaka yasala.* 5 Muna kuma kiaki, e nganga za Dangone ye awonso bekotanga muna nzo a Dangone kuna Asedode ke bediatanga vana nkaku a mwelo ko yamu unu kiaki.

6 O koko kwa Yave kuzitidi muna esi Asedode, ubabukumwini, otwese kimbevo kia mput’a vumu kwa esi Asedode ye zunga yandi yawonso.+ 7 Esi Asedode vava bamwene dina divangamene, bavovele vo: “E Nkel’a Nzambi a Isaele ke ifwete kala yeto ko, kadi koko kwandi mpasi kututwasidi ye kwa Dangone wa nzambi eto.” 8 Batumisi mfumu zawonso za Afelesetia, babayuvuidi vo: “Adieyi tuvanga e Nkel’a Nzambi a Isaele?” Bavutwidi vo: “Yambula Nkel’a Nzambi a Isaele yanatwa kuna Ngati.”+ I dianu vo, banete Nkel’a Nzambi a Isaele kwakuna.

9 Vava banete yo kwakuna, o koko kwa Yave kukedi muna mbanza yo twasa mpasi zayingi. Owende esi mbanza, ambuta ye aleke, babakamene kimbevo kia mput’a vumu.+ 10 Batwikidi e Nkel’a Nzambi aludi kuna Ekerone,+ kansi e Nkel’a Nzambi aludi vava ilweke kuna Ekerone, esi Ekerone bayantikidi dila yo vova vo: “Batutwasidi e Nkel’a Nzambi a Isaele yatuvonda yo nkangu eto!”+ 11 Batumini anati a nsangu, balungalakese mfumu zawonso za Afelesetia, bavovele vo: “Nutwika Nkel’a Nzambi a Isaele yavutuka kuna fulu kiandi; twalembi bukumunua yo nkangu eto.” Kadi nkangu a mbanza yawonso umwene wonga wafwa; o koko kwa Nzambi aludi kuzitidi muna mbanza,+ 12 o wantu ana ke bafwa ko, bayelele mput’a vumu. E dilu kia mbanza kitombokele kuna zulu.