Kimpovi
12 Muna kuma kiaki, sungamena o Mvangi aku Anene muna lumbu ya kileke kiaku,+ vitila yalwaka e lumbu yampasi,+ vitila mialwaka e mvu mina ovova vo: “Kiyangalele mio ko”; 2 vitila e ntangwa yo ntemo ye ngonde ye ntetembwa zabukama+ e tombe, o matuti mavutuka kuna mfoko a* mvula angolo; 3 muna lumbu ina ayingidi a nzo beyantika zakama, akala akwa ngolo bekovama, akento beyambula nika wau vo akete kaka basidi, e ndumba zitalanga vana zianela bemona kaka e tombe;+ 4 vava e mielo miatala kuna bala-bala mizikama, vava o mazu ma tadi dia nikina mekuluka, vava o muntu kesikama muna mazu ma nuni, o wan’amakento awonso a nkunga beyoya,+ 5 vava muntu kekala yo wonga wa fulu yazanguka yo wonga wa vonza muna bala-bala; vava o nti wa amande uvaikisa e mvuma,+ e dikonko dikuyikoka, e bundu kimwesanga e nzala* kipasuka, kadi o muntu mu kwenda kena muna nzo ina kezingila kolo kiandá,+ awana bedila bekangala muna bala-bala;+ 6 vitila o nsing’a palata wazatuka, e pidi kia wolo kiawudika, o mvungu vana ndambu a nto wawudika, o lungungu lwa bakila o maza muna wulu lwafwasuka. 7 I bosi, e mbundukutu ivutuka muna ntoto,+ wauna wateka kala, o mwanda* uvutuka kwa Nzambi aludi ona wavana wo.+
8 “I mpavala* kikilu!” ukavovele o nkutakesi.+ “Mambu mawonso i mpavala kwandi!”+
9 O nkutakesi kakituka kaka nkwa ngangu ko, kansi wakwamanana longa o nkangu mana kazaya,+ watoma yindula yo toma vavulula mu kubika* yingana yayingi.+ 10 O nkutakesi wavavanga solola mvovo miambote+ mu soneka e mvovo mialudi ye sikididi kiawonso.
11 E mvovo mia akwa ngangu mina nze mpalu,+ e mvovo miau miabundakeswa mina nze nsonso zatoma komwa; mitukidi kwa mvungudi mosi. 12 Konso diambu vana ntandu a mambu mama, e mwan’ame keba, toma luka: O soneka nkanda miayingi ke kuna nsuka ko, o kuyivana kwayingi muna mio tanga nitu kuyoyesanga.+
13 Mawonso mafwana vovoka mavovokele, e mfoko a diambu i yayi: Vumina Nzambi aludi+ yo lunda e nkanikinu miandi,+ kadi omama i mambu emvimba kafwete vanga o muntu.+ 14 Kadi o Nzambi aludi ofundisa mavangu mawonso kumosi ye mambu mawonso maswekama, yo songa kana vo mambote yovo mambi.+