Nsiku
10 “Muna ntangwa yayina, Yave wampovesa vo: ‘Vala babu yole ya matadi nze ina yantete,+ wiza kwa mono oku mongo; vanga mpe nkela ya mabaya. 2 Isoneka muna babu e mvovo mina miakala muna babu yantete, ina wawula, ofwete yo sia muna nkela.’ 3 Muna kuma kiaki, yavanga nkela ya mabaya ma akasia yo vala e babu yole ya matadi nga ina yantete yo tomboka kuna mongo ye babu yole vana moko mame.+ 4 I bosi, Nzambi wasoneka muna babu e mvovo mina kateka soneka,+ e Nsiku Kumi,*+ mina Yave kanuzayisa vana mongo, tuka vana tiya,+ muna lumbu nuakutakana vavana;*+ Yave wampana yo. 5 I bosi, yaviluka yo kulumuka tuka kuna mongo+ yo sia e babu muna nkela ina yavanga, i mûna yakalanga, wauna o Yave kankanikina.
6 “I bosi, Aneyisaele bakatukidi kuna Berote Bene-yakani, bele kuna Mosera. I kûna Arone kafwila yo zikwa,+ o Elaza wa mwan’andi wayantika sala se nganga vana fulu kiandi.+ 7 Bakatukidi vavana, bele kuna Ngudengoda, bakatukidi kuna Ngudengoda, bele kuna Yotebata,+ e nsi a nkoko.
8 “Muna ntangwa yayina, Yave wavambula e kanda dia Levi+ banatanga e nkel’a kangu dia Yave,+ batelamanga vana ntadisi a Yave muna kunsadila, basambulanga muna nkumbu andi,+ wauna bevanganga yamu unu. 9 Kiaki i kuma o Levi kenena ye kunku ko ngatu vua vana vena e mpangi zandi. Yave i vua diandi, wauna Yave wa Nzambi aku kazayisa Levi.+ 10 Vo i mono, yakala kuna mongo nze una yavanga muna nkumbu antete, lumbu 40, fuku yo mwini,+ o nkumbu wauna mpe Yave wangwila.+ Yave wabaka e nzengo zalembi kufwasa. 11 I bosi, Yave wampovesa vo: ‘Vita kuna ntwal’a nkangu, kubama mu yaluka, kimana bakota yo vua e nsi ina yadila e ndofi kwa akulu au vo ikubavana yo.’+
12 “Owau, e Isaele, adieyi o Yave wa Nzambi aku kekulombanga?+ Edi kaka: vumina Yave wa Nzambi aku+ yo diatila muna nzila zandi zawonso+ yo kunzola. Sadila Yave wa Nzambi aku yo ntim’aku wawonso yo moyo* aku wawonso,+ 13 yo lunda e nkanikinu ye mîna mia Yave mina ikukanikinanga o unu, mu kuma kia wete diaku.+ 14 Tala, o Yave wa Nzambi aku yandi ovuidi e zulu, elo, e zulu diantandu,* yo ntoto ye yawonso ina mo.+ 15 Kansi, kwa akulu eno kaka kafinama o Yave yo songa o zola kwandi, wanusola, yeno mbongo au,+ vana vena nkangu miawonso, wauna nuina o unu. 16 Owau, nuveleles’e* ntima mieno,+ nuyambula kala akwa ntu miangolo.*+ 17 Kadi, Yave wa Nzambi eno i Nzambi osundidi nzambi zawonso+ ye Mfumu a zimfumu, Nzambi anene, Nzambi ankuma ye Nzambi ansisi, ona ke sianga mpambula kwa muntu ko,+ ke tondanga mbabu ko. 18 Muna unsongi kezengela e diambu mu kuma kia mwana wakondwa se yo nkento wafwilwa yakala,+ ozolanga nzenza+ muna kumvana madia ye mvuatu. 19 Oyeno mpe nufwete zolanga nzenza, kadi nzenza nuakituka muna nsi ya Engipito.+
20 “Ofwete vumina Yave wa Nzambi aku, yandi ofwete sadila,+ yandi ofwete tatidila, muna nkumbu andi ofwete dila e ndofi. 21 Yandi ofwete kembelela.+ Yandi i Nzambi aku ona ovangidi mambu mama mawonso manene ye mansisi mu kuma kiaku, mana o meso maku mamwene.+ 22 Vava akulu aku bakulumuka kuna Engipito, 70 lwa wantu* kaka bakala;+ owau, Yave wa Nzambi aku uwokese nga ntetembwa za zulu.+